¿Imaraykun sasa familiapi mana discutispalla kausay?

MARIAQAa Ghana nacionmantan, payqa Jacobwanmi 17 wataña casarasqa kashan, ninmi: “Qolqemantaqa discutishallaykun, noqaqa maytan esforzakuni familiayta cuidanaypaq, Jacobmi ichaqa ni tapurillawanpaschu qolqe faltawanchus chayta. Semana masmi mana rimanaykukuspa kayku”, nispa.

Jacobmi nin: “Cheqaqmi chayqa, mayninpiqa k’araj simikunatan ninakuyku. Mayninpiqa discutiyku mana allinta imatapas entiendesqaykurayku otaq mana rimanakusqaykurayku, mayninpitaq imatapas exagerasqaykurayku”, nispa.

Nathanqa India nacionmantan, juj kutinsi suegronkuna phiñachinakusqaku, suegranqa malsi sientekusqa, chaysi Nathanqa suegronta tapusqa imarayku chhaynata qapariyusqanta, ichaqa mana respetoyoqpaqsi qhawarisqa tapusqanta, chaysi llapankuta qapariyullasqataq.

Mana allin ratopi mana allinta piensaspa imatapas niyqa astawanmi runakunata ch’aqwanachin. Mayninpiqa munayta rimayta qallarispapas discutinkun. Manan pipas rimasqanpi mana pantaqqa kanchu, chayraykun pipas rimaspa pantaqtinqa “yuyaypichá riman” nisunman. Chaywanpas atikunmanmi familiapi mana phiñachinakuspalla kausaytaqa.

¿Imatan ruwawaq jujniykichis phiñakuyta qallariqtin? ¿Imatan ruwawaq familiayki amaña discutinanpaq? ¿Imatan familiakuna ruwankuman thajlla kausanankupaq? Qatiqninpin chaykunata kutichikushan.