Cocodriloq qhaqllin

LLAPA animalkunamantapas cocodrilon más fuertetaqa kanikun. Australia nacionmanta lamar qochapi kaq cocodriloqa leonmantapas tigremantapas kinsa kuti más fuertetaraqmi kanikun. Chaywanpas chay cocodrilokunaq qhaqllinqa runaq dedo puntanmantapas aswan mastaraqmi sienten. ¿Imaynataq qara kashaspari chhaynata sienten?

Cocodriloq qhaqllinpiqa sientenanpaq huch’uy nervionkunan kan waranqanpi. Chaykunamanta yachaq Duncan Leitch runan nirqan qhaqllinpi kaq llapa nerviokunaqa cerebronmanta pasamusqanta. Chayraykun qhaqllinpi kaq nervionkunaqa allin cuidasqa kashan. Siminpiqa wakin partepin kan anchatapuni sienteq huch’uy nerviokuna, imaynataraq sientesqantaqa maquinakunapas manan reparayta atinkuchu. Yachaqkunaq nisqanman hinaqa, yaqapaschá chhayna sientesqanwan reparan imakuna mikhunanta. Hinaspapas china cocodrilokunaqa chhaynata sienteq kasqankuraykun uñankuta siminkupi apanku mana kanispalla. Cocodriloq qhaqllinqa nishu fuerten, chaywanpas ratollan imatapas sienten.

¿Ima ninkin chaymanta? ¿Kikillanmantachu cocodriloq qhaqllin paqarimurqan, icha kamasqachu karqan?