QALLARIYPI KAQ
¿Imaraykun kawsashanalla?
DIANAa sutiyoq sipasqa yuyaysapan, sumaq rikch’ayniyoq, kusisqallataqmi purinpas. Ichaqa kusisqaña rikukun chaypas, payqa sonqon ukhupin sinchi llakisqalla tarikun, mana valeqpaq hinataq qhawarikunpas. Paymi nin: “Sapa p’unchaymi nini ‘wañukapuyman’ nispa. Mana ñoqa kaqtiyqa tukuy imapas aswan allinmi kanman”, nispa.
“Huk runa kikinta wañuchikuqtinqa, 200 runakunan yaqalla wañuchikurqanku, 400 runakunataq chayta yuyaykurqanku; chaytaqa estudiokuna ruwakusqanpin yachakurqan” THE GAZETTE, MONTREAL (CANADÁ)
Dianaqa manas hayk’aqpas pay kikintaqa wañuchikunmanchu, ichaqa mayninpiqa mana yachanchu imarayku kawsashanallan kasqanta. Paymi nin: “Astawanqa munayman accidentepi wañukapuytan. Wañuytaqa manan enemigoyta hinachu qhawarini aswanpas amigayta hinan”, nispa.
Askha runakunan Diana hina sientekunku, wakinqa yuyaykurqankuraqmi kikinkuta wañuchikunankupaq, hukkunataq yaqalla wañuchikurqanku. Estudioso runakuna nisqankuman hinaqa chaytaqa ruwanku manaña ñak’ariyta munaspankun. Paykunaqa piensanku wañukapuy allin kasqanta, ichaqa yachanankun kawsashallay imarayku allin kasqanta.
¿Imaraykun kawsashanalla? Yachasun kinsamanta.
a Sutinmi cambiakurqan.