¿Fiestapi hinallapunichu kashanki?

¿IMA ninanmi chay nisqan? Chayqa imayna yuyaykusqanchismanta imayna sientekusqanchismantan rimashan. Llakisqa kaqqa mana allinkunallapin yuyaykun, chaymi llapa p’unchayninkunaqa “llakiyllapuni”. Kusisqa kaqmi ichaqa kallpachakun allin kaqkunallapi yuyaykunanpaq. Chaymi yanapan kusisqalla kananpaq, chayraykun kawsayninqa ‘sapa p’unchaypas fiestapi’ kashanman hina.

Llapanchispas sasachakuyniyoqmi kanchis, chaymi mana lliwpichu kusisqa kasun. Ichaqa atisunmanmi kusisqa kayta sasachakuykunapiña tarikusunman chaypas. Biblian kaykunata yachachin:

• Ama paqarin p’unchaykunapaq sasachakuykunawanqa ñit’ichikuychu. Jesucriston nirqan: “Ama llakipakuychischu paqarinmantaqa [...]. Sapa p’unchay llakikuyqa chay p’unchayllapaq kachun”, nispa (Mateo 6:34).

• Allinkuna pasasqasuykimanta huk listata ruway, huk p’unchay llakisqa kashaspaykitaq chaypi yuyaymanay. Pantasqaykikunataqa ama yuyashallaychu, aswanpas chaykunamanta yachaspa ruwanaykikunata ruwashallay. Pipas huk carrota manejaspaqa manan espejonta qhawarayaspachu kashan, aswanpas maynillanpin qhawarin. Hinaspapas Diosqa cheqaqtapunin pampachawanchis (Salmo 130:4).

• Sichus sasachakuyniykikuna ñit’ishasunki chayqa willakuy kallpachanasuykikupaq. Llakikuykunaqa sonqonchistan unphuyachinman, “sumaq simin ichaqa kusichin”, chaytan Proverbios 12:25 texto nin. ‘Sumaq simiwan’ rimapayawaqninchiskunaqa kankumanmi huk familianchis huk amigonchis otaq pipas allin kaqkunallapi yuyaykuq ‘tukuy tiempo munakuq’ ima (Proverbios 17:17).

Bibliaqa askha runakunatan yanaparqan kusisqa kanankupaq sasachakuykunapiña tarikurqanku chaypas. Maytan munayku qantapas yanapanasuykita.