Ri más nim ubʼanik che ri winaq kuchaʼ ubʼanik are che kujach ri ukʼaslemal che ri Jehová y kubʼan ramigo. Ri Jehová qas kraj che e juntir kkichaʼ ubʼanik wariʼ. ¿Jasche? Kraj che kkibʼan ramigos y kkiriq ri kʼaslemal kʼo ta ukʼisik (Deut. 30:19, 20; Gál. 6:7, 8). Ri Jehová keʼutaqchiʼj ta ri winaq rech kkipatanij, xaneʼ kuyaʼo che chkijujunal kkichaʼ ri kkaj kkibʼano. Pero, ¿jas kkʼulmatajik we jun winaq ubʼanom chi u bautismo y kubʼan jun nimalaj makaj? We kubʼan ta arrepentir ribʼ che ri umak, kesax bʼi pa ri congregación (1 Cor. 5:13). Pero ri Jehová qas kraj che ktzalij chi lo jumul. Are waʼ ri jun rumal che xuya ri Ukʼojol pa qawiʼ, che kkuyutaj ri qamak. Sibʼalaj oj loqʼ chuwach ri qa Dios Jehová, rumal laʼ keʼutoʼ ri ajmakibʼ rech kkibʼan arrepentir kibʼ (Zac. 1:3; Rom. 2:4; Sant. 4:8). w24.08 14 párrs. 1, 2

Are chiʼ ri apóstol Juan tajin kutzʼibʼaj ri urox carta, e jujun tajin kkikʼut molom taq tzij y kkibʼano che kkijach kibʼ ri crisitanos. Pero jujun kiyaʼom ta kan ri qastzij. Xkinimaj ri Jehová y tajin kkibʼano «jas ri kkibʼij ri utaqanik ri Dios» (2 Juan 4, 6). Ri utz taq cristianos riʼ xaq xiw ta xkiyaʼ kikotemal che ri Juan, xaneʼ xuqujeʼ che ri Jehová (Prov. 27:11). ¿Jas kqetaʼmaj chrij ri xutzʼibʼaj kan ri Juan? Ri sukʼilal kuyaʼ kikotemal chqe (1 Juan 5:3). Kuyaʼ kikotemal chqe retaʼmaxik che kojqaj chuwach ri Jehová. Kkikotik are chiʼ kqabʼan ri kraj ri areʼ y kqaxutuj ri itzel taq jastaq kkibʼan ri winaq re wajun uwach Ulew riʼ . Xuqujeʼ kekikot ri ángeles (Luc. 15:10). Y ri oj kojkikotik are chiʼ ri nikʼaj chik e sukʼ che ri Jehová (2 Tes. 1:4). Are chiʼ ri itzelal ksach uwach pa ri uwach Ulew, sibʼalaj kojkikot riʼ rumal che xqakʼut sukʼilal che ri Jehová. w24.11 12 párrs. 17, 18

¿Jampaʼ tiempo kaweyej rech kabʼij che ri winaq che kawaj kawetaʼmaj uwach? We aninaq kabʼij che chi utz kawilo, weneʼ kuchomaj che xa tajin kaya bʼe che ri kanaʼo (Prov. 29:20). Pero we ri winaq krilo che utz kawilo y kʼo ta kabʼij che, weneʼ kuchomaj che awetaʼm taj jas kawaj kabʼano (Ecl. 11:4). Chnaʼtaj chawe che are chiʼ kabʼij che jun winaq ri kanaʼo wariʼ kraj ta kubʼij che rukʼ katkʼuliʼ wi. Ri rajawaxik are che qas awetaʼm che ya katkun chik katkʼulik y che weneʼ ri winaq riʼ are ri más utz chawe. ¿Y we kawilo che kʼo jun utz katrilo? ¿Jas katkunik kabʼano? We kʼo ta kanaʼ che ri winaq, are utz che kabʼij che. Rumal che utz ta riʼ we man kabʼij che chi kʼo ta kanaʼo y che xaq kaya bʼe che kuriq kʼax (Efes. 4:25). w24.05 22, 23 párrs. 9, 10