Jehovaj testigosnin, ¿creenkuchu paykunalla salvasqas kanankuta?

Mana. Imaraykuchus ñaupa tiempomanta ashkha runas, niraj Jehovaj testigosnin kashaspa wañorqanku. Paykunapis salvacionta japʼiyta atenqanku. Bibliaqa sutʼinchan, mosoj pachapi “cheqan kajta ruwajkuna, sajrata ruwajkunapis” wañuymanta kausarimunankuta (Hechos 24:15). Chantapis may chhika runas, Diosta sirviyta atinkuraj, jinaspataj salvacionta japʼenqanku. Jehovaj testigosnenqa mana niyta atiykuchu, pikunachus salvakunankuta chayri pikunachus mana salvakunankutaqa. Chayqa Jesucristoj makinpi kashan (Juan 5:22, 23, 27).