¿Imatá ruwasunman Bibliapi kikinchaykunata entiendenapaj?

Bibliaqa ashkha imasta yachachiwanchej kikinchaykunawan. Jinapis ashkha runasqa chay kikinchaykunata mana allinta entiendeyta atinkuchu (Mat. 13:13). Chay kikinchaykunata sumajta entiendenapajqa, kay kinsa imasta ruwasunman:

• Chay nisqanmanta imachus kikinchaylla kasqanta, imamantatajchus parlashasqanta reparana. Por ejemplo, Apocalipsis 3:3 nin Jesús suwa jina jamunanta. Chaypeqa parlashan Jesuspa jamunan pʼunchaymanta, kikinchashantaj uj suwawan.

• Imamantachus parlasqanwan, imawanchus kikinchasqanwan imapichus rijchʼakusqankupi piensarina. Kayta tapurikuna: “¿Imajtintaj kaypi kaywan kikinchan, chanta imapitaj rijchʼakunku?”.

• Imatapunichus yachachiyta munasqanta entiendenapaj kallpachakuna. Wakin kutisqa ichapis kikinchaykunata malta entiendesunman. Apocalipsis 3:3 versiculopi kaj kikinchaypeqa, mana Jesús suwakoj jamunantachu nishan. Astawanpis imamantachus chaypi parlasqanpi reparanchej, Jesusqa mana suyashajtillanchej, mana willaspallataj jamunanta, imaynatachus suwa ruwan ajinata.