Bibliata chaypipis kashawaj jina leeriy

Bibliaqa ashkha runaspa kausayninkumanta parlan, paykunamantataj sumaj imasta yachakusunman. Leesqanchejta aswan sumajta entiendenapaj, aswan sumajtataj yanapachikunapaj, chaypipis kashasunman jina leerina. Chaypajqa kay kinsa imasta ruwasunman:

• Jatunmanta leerina. Ajinamanta sumajta reparayta atisunchej imachus pasashasqanta. Familianchejwan khuska leeshanchej chaytaj, sapa runa parlasqanta leenapaj ujtaj ujtaj turnanakusunman.

• Chaypipis kashasunman jina piensarina. Imatachus yuyasharqanku, imaynachus kasharqanku chayta aswan sumajta entiendenapaj, paykunapis kasunman jina leerina. Tapurikusunmantaj: “¿Imajtín chay runa ajinata nerqa chayri kay jinata ruwarqa? Paychus kayman karqa chay, ¿imatá ruwayman karqa chayri imayná kashayman karqa?”, nispa.

• Dibujosta ruwana. Mana sumajta dibujayta yachaspapis dibujasunpuni chayqa, chay leesqanchejpi aswan sumajta tʼukuriyta atisunchej, yuyarikuytataj atillasunchej.