25 AL 31 DE MAYO

BIBLIAMANTA SUMAJ YACHACHIYKUNA

1. Paraisopi jinaña kasqanchejmanta mayta kusikunchej

(10 min.)

Paraisonchejpeqa Jehovaj kamachisninpata tiyapuwanchej Biblia, payman qayllaykunapaj tukuy ima necesitasqanchej ima (Isa 65:13; cl pág. 275 párrs. 12, 14).

Paraisonchejpeqa Jehovata hermanoswan khuska yupaychaspa kallpata japʼinchej llakiykunasninchejta aguantanapaj (Isa 65:14-17; w24.04 pág. 22 párrs. 9, 10).

Diospa llajtanpi paraisopi jinaña kausakusqanchejrayku allinta kausakunchej, nitaj ni imata manchikunchejchu, kay mundopitaj chayqa mana rikukunchu (Isa 65:25; w24.04 pág. 23 párr. 13).

¿IMA NIYTÁ MUNAN? Paraisonchej chayri paraíso jina nispaqa parlashanchej, maypichus Jehovata yupaychanchej chaymanta. Chaypeqa Jehovawan, payta sirvej runaswanpis sumaj amigos kanchej.

Hermanos Diospa llajtanpi paraisopi jina kusisqa kausakusqankumanta fotos. 1) Tantakuna Wasipi kusisqas parlarikushanku. 2) Tantakuna Wasej jawanpi kusisqas mantenimientota ruwashanku. 3) Carcelpi uj hermano aswan joven hermanota kallpacharishan. Perqapitaj hermanospa apachisqanku tarjetas, cartitas ima kashan. 4) Uj qhariwarmi uj hermanata hospitalpi visitarishanku. Hermanaqa hospitalpi kaj hermanaj makinmanta japʼishan, hermanotaj frutasniyoj, tarjetasniyoj canastata japʼishan.

2. Sumaj yachachiykunata maskʼana

(10 min.)

Isa 66:12, 13. ¿Imapitaj Jehová kʼacha mamaman rijchʼakun? (w24.01 pág. 27 párr. 4).

Kutichiynin
¿Imastá yachakunchej kay semana Bibliata leespa?

Kutichiynin

3. Bibliata leenapaj

(4 min.) Isa 65:17-25 (th 10 yachaqana).

SUMAJTA YACHACHINACHEJ

4. Parlayta qallariy

(3 min.) MAYLLAPIPIS KASHASPA. Imaynallamantapis willariy Jehovaj testigon kasqaykita (lmd lección 5 punto 3).

5. Parlayta qallariy

(2 min.) ASHKHA RUNAS PURINKU CHAYPI. Piwanchus parlashanki chay runa siminakusuyta munan (lmd lección 4 punto 5).

6. Parlayta qallariy

(3 min.) WASIMANTA WASI. Uj tratadowan parlayta qallariy (lmd lección 1 punto 4).

7. Creenciasniykita sutʼinchariy

(3 min.) Rikuchinapaj. w15 1/6 págs.14, 15. Tema: ¿Pitaj anticristo? (th 17 yachaqana).

CRISTIANO KAUSAYNINCHEJ

8. Jehovapaj astawan llankʼaspa kusisqa kanki

(15 min.) Uyarejkunawan ukhunchanapaj:

“¿Imastataj ruwayta munanki ‘sumaj willaykunarayku’?” nisqa videomanta fotos: 1) Tomohiro Nishimura Betelpi departamento de encuadernación nisqapi trabajashan. 2) Happiness Mabho traducinapaj oficinaspi yanapakushan. 3) Rayner Fernandowan señoran Keziahwan Betelpi uj hermanota saludarishanku, paykunaqa construccionpi yanapakushanku. 4) George Telan, Betelpi Departamento de Servicio nisqapi trabajashan. 5) Ramona Welsch Bibliamanta yachachishan.

¿Jehovapaj astawan llankʼaytachu munashanki? Ichapis yuyanki chaypajqa ashkha imasta saqenayki kasqanta chayri ichapis kayta nishanki: “Imapáj astawan Jehovapaj llankʼasajri, tukuypis kikin wiñay kausayllatataj japʼisun”, nispa. Maykʼajllapis ajinata yuyarqanki chayqa yuyarikuy, Jehovaqa mana michʼakuspa allin imasta paypi atienekojkunaman qosqanta (Sl 84:11, 12). Kausayniykipi cheqamantapuni kusisqa kayta munanki chayqa, ama michʼakuspa kausayniykimanta Jehovaman sumajnin kajta qoy.

Yachanchej Jehovaqa qhepaman bendecinawanchejta, chaywanpis kay tiempopipis bendecillawasunmantaj. ¿Imastataj ruwayta munanki “sumaj willaykunarayku”? nisqa VIDEOTA rikuchiy. Chantá tapuriy:

Videomanta jóvenes Jehovapaj astawan llankʼaj churakusqankurayku, ¿ima bendicionestataj japʼerqanku?

Kutichiynin

Tukuy imataña ruwaspapis nipuni Jehovapaj tiempo juntʼasqata llankʼayta atinkichu chayqa ama llakikuychu, Jehovaqa paypaj tukuy atisqankuta ruwajkunata bendecin. Chayrayku ama michʼakuychu kausayniykimanta Jehovaman sumajnin kajta qoyta, payqa kay nisqanta juntʼanpuni: “Bendicionestataj tʼakaykamusqaykichej ni ima pisisunaykichejkama” (Mal 3:10).

9. Bibliamanta yachakunapaj

(30 min.) lfb lecciones 88, 89.