Jehovaqa mañakusqanchejta may jatunpaj qhawan

Ñaupa tiempopeqa templopi sapa kuti inciensota qʼoshñichej kanku, chaytaj sumajta qʼaparej, chayrayku Jehovapajqa kasukoj kamachisninpa mañakusqanku uj incienso jina (Sl 141:2). Jehovaqa mañakusqanchejta uyarispa mayta kusikun, imajtinchus orakuspaqa Tatanchej Jehovaman tukuy imamanta agradecekunchej, mayta munakusqanchejtapis ninchej, llakiyninchejta, imatachus ruwayta munasqanchejtapis willarinchej, yanapaynintataj mañakunchej. Jinata ruwaspaqa Jehovaj amigosnin kasqanchejta jatunpaj qhawasqanchejta rikuchinchej. Chaytaj Jehovaman mayta kusichin. Jehovaqa jatunpaj qhawallantaj tantakuykunapi pisi palabrasllapi mañakuykunata ruwakusqantapis, imajtinchus jinamanta payta yupaychashallanchejtaj. Jehovaj sonqonqa maytachá kusikun sapallanchejpi unayta payman orakojtinchej, imaynachus kashasqanchejta, imatachus piensasqanchejta willakojtinchejpis (Pr 15:8).

ORAKOYQA MAY SUMAJPUNI NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Ima asignacionespitaj Jehovaj llajtanpi hermano Johnson llankʼarqa?

• ¿Ima kutispitaj hermanonchej Johnson Jehovaj yanapayninta mañakorqa?

• ¿Imatá yachakunchej hermano Johnsonpa experiencianmanta?