Tatas, wawasniykichejta yanapaychej Jehovata sirvinankupaj

Ashkha cristiano tatamamasqa, mayta munanku wawasninku Jehovata sirvinankuta. Chaypajqa wawasninkuta juchʼuymantapacha Bibliamanta yachachinanku tiyan (Dt 6:7; Pr 22:6). Wawasta yachacheyqa mana atikullanchu. Jinapis kallpachakusqankoqa, mana qhasipajchu kanqa (3Jn 4).

Tatamamasqa Josemanta Mariamantawan mayta yachakunkuman. Paykunaqa “Pascua fiestapaj” Jerusalenman rinanku karqa. Chaytaj wasinkumanta karupi kasharqa, qolqesitutapis tantakunanku karqa. Jinapis “sapa wata” rejpuni kanku (Lu 2:41). Josewan Mariawanqa, familianku Jehovaman qayllaykunanta munarqanku, chaytataj ñaupajman churaj kanku. Kay tiempomanta tatamamaspis, wawasninkuta ima ratollapis yachachinkuman, parlasqankuwan, ruwasqankuwan ima. Ajinamanta wawasninkoqa cheqan ñanta purenqanku (Sl 127:3-5).

TUKUY IMAYMANAMANTA JEHOVATA SIRVERQANKU NISQA VIDEOTA QHAWAYTAWAN, KAY TAPUYKUNAMAN KUTICHIY:

• Jonwan Sharonwan wawasninkuta uywashajtinku, ¿imaynasmantá Jehovapaj llankʼasqanku?

• Tatamamas, ¿tukuynin wawasninkutachu kikinta yuyaychananku chayri kʼaminanku kanman?

• ¿Imaynatá tatamamas wawasninkuta yanapankuman, ima kajtinpis Jehovata yupaychanallankupajpuni?

• Jehovaj llajtanqa wawasta uywanapaj ashkha yanapasta qowanchej. ¿Mayqenkunawantaj wawasniykita yanapashanki Jehovaman astawan qayllaykunankupaj?