“Diosman graciasta qoychej”
1 Jesusqa, chunka runasta lepra unquymanta sanoyachirqa, chaywanpis juklla Jesusman agradecekuq kutimurqa. Chayrayku Jesús payta tapurqa: “Manachu chunka karqanku sanoyachisqasqa? Maypitaq chay jisqʼon kashankuri?”, nispa (Luc. 17:11-19). Kayqa, Jehovata agradecekuyta yachachiwanchik. Imaptinchus, “tukuy ima allin kaj, kʼacha kaj imaqa”, payqa munakuyninrayku, khuyakuyninrayku ima, jamun (Col. 3:15; Sant. 1:17).
2 ¿Imasmantá agradecekusunman? Dios, Churinniqta juchamanta rantiwasqanchikmanta, imaraykuchus kayqa, aswan jatun regalon (Juan 3: 16); Jehová payman pusawasqanchikmanta (Juan 6:44); jukchasqa kasqanchikmanta (Sal. 133: 1-3), achkha imasmantawan. Mana allinchu kanman, israelitasjina Dios ñuqanchikpaq tukuy imasta ruwasqanmanta, qunqananchik (Sal. 106:12, 13).
3 Agradecesqa kasqanchikta rikuchina. Lepra unquymanta sanoyaqkunamanta, ¿machkhataq Jesuspa khuyakuyninta jatunpaq qhawarqanku? Chunkantinchá chaytaqa jatunpaq qhawarqanku, chaywanpis juklla agradecesqa kasqanta rikuchirqa (Luc.17:15). Ñuqanchikpis, agradecesqa kasqanchikta rikuchisunman, kʼajaywan willamuspa. Jehová tukuy imata ruwasqanmanta agradecesqapuni kaptinchik, sunqunchik tanqawasun payjina, munakuyta, khuyakuyta ima, runaman paymanta parlaspa rikuchinapaq (Luc. 6:45). Chantapis, Dios ‘achkha tʼukuna imasta ruwasqanmanta, yuyarikuwasqanchikmanta ima’, runaman parlaptinchik, payta agradecekusqanchik, munakusqanchik ima, astawan wiñanqa (Sal. 40: 5).
4 Wakkunata, agradecesqa kayta yachachina. Wawasninchikman, Bibliata yachakuqkunaman ima, Diosman agradecesqa kayta yachanankupaq, ima ratupis yanapayta, mana qunqanachu. Tatas,wawasninkuman Jehovap ruwasqasninmanta parlachkaspa, payman agradecekuyta yachachinkuman (Rom.1:20). Runaman yachachichkaspa, ichapis tapusunman: “Kaypi yachakusqanchik, ¿imatá Jehovamanta niwanchik?”, nispa. Bibliamanta yachakuq, Diosmanta astawan yachakuptin, astawan payta munakunqa, munaynintataq juntʼayta munanqa.
5 Kay tiempomanta runasqa, mana agradecekunkuchu, nitaq kapuyninkuta jatunpaq qhawankuchu (Tim. 3:1-4). ¡Maytachá Jehová kusikun kamachisnin agradecesqas kasqankumanta, kʼajaywan willasqankumanta ima! (Sant. 1:22-25.)