¿Imaynatá sapa leccionta estudiawaj?
Niraj estudiayta qallarishaspa kayta leeriy, chantá VIDEOTA qhawariy.
ÑAUPAJ KAJ PARTE
Niraj yachachejniykiwan estudiashaspaqa sapa leccionpa qallariyninta leey. (A) Sapa tapoyqa numerosniyoj. (B) Bibliamanta orqhosqa versiculostaj yana letritaspi rikhurin, chayqa aswan sumaj willaykuna kashan. Chantapis wakin versiculosqa leenapaj kashan, nishantaj “leey” nispa.
ISKAY KAJ PARTE
(C) “Astawan yachakuna” nisqapi willashan imamantachus chay partepi yachakunata. (D) Chaypi kaj numerosniyoj subtitulosqa aswan allin willaykuna kashan.
VIDEOSQA estudiashanki chayta astawan entiendenaykipaj yanapasonqa. Wakin videosqa hermanospa, hermanaspa kausayninkumanta kashan. Wakin videostajrí, imachus pasasqanmanta rikuchiykunalla kashan.
(E) Chantapis yachachisojniykiwan chaypi kaj versiculosta leey, tapuykunaman kutichiy, videostapis qhawariy. Dibujosta qhawariy, ladonpi rikhurej letrastapis leeriy. (F) Chantá allinta piensariy “Wakin runas ninku” nisqapi.
KINSA KAJ PARTE
(G) Sapa leccionmanta tukukuyninpi tarinki “¿Imastá yachakunchej?” nisqata, “Yuyarikunapaj” nisqatawan. (H) Sapa leccionta estudiayta tukusqayki diata anotakuy, “Tarea” nisqatapis ruway. (I) “Astawan yachakunaykipaj” nisqapi tarinki videosta, waj yachaqanastawan.
Tawapi tʼaqasqa
|
|
|
|
|
¿Imaynatá Bibliapi versiculosta maskʼawaj?
Bibliaqa 66 librosniyoj, iskaypitaj tʼaqasqa kashan: Ujqa Hebreopi, Arameopi qhelqasqas sutikun, ujtaj Griegopi qhelqasqas sutikun. Wakin runas nillankutaj Ñaupa Testamento, Mosoj Testamento nispa.
Ñaupajta maskʼay (A) ima librochus kasqanta, chantá maskʼay (B) capitulota, (C) versiculotawan.
Juan 17:3 tarinaykipajqa maskʼariy Juan librota, chantá 17 capitulota, chaymantataj 3 versiculota.