Paykunajina ruwanaykipaq: David

Davidtaqa, takiykunata uyariy mayta gustarqa, chantá sumaqta takiriyta, takiykunata qillqayta ima yacharqa. Tocanastapis ruwayta yachallarqataq (2 Crónicas 7:6). Sumaqta takiyta yachasqanrayku, Israelmanta reyqa, kamachina wasipi arpata tocananpaq waqyarqa (1 Samuel 16:15-23). Davidtaq, waqyarisqanta uyarikuspapis mana waqyasqanmanta runaykacharqachu, nitaq takiykunata uyariyta kawsayninpi ñawpaqman churarqachu. Astawanpis takiyta yachasqanwan Jehovata jatuncharqa.

¿Qamtari? ¿Takiykunata uyariy gustasunkichu? Ichá mana Davidjinachu sumaqta takiyta yachanki, chaywanpis payjina ruwayta atinki. Takiykunata uyariyta, ama kawsayniykipi ñawpaqman churaychu, nitaq saqiychu saqra ruwayman tanqasunanta, Diospa sutinta mana chʼichichanaykipaq. Kawsayniykipi kusirikunallaykipaq takiykunata uyariy. Takiykunata qillqayta yachay, uyarispa kusirikuy imaqa, Diospa regalon (Santiago 1:17). Davidqa, takiyta yachasqanwan Jehovata jatuncharqa, ¿qampis kikillantataqchu ruwanki?