Eimah oh Loalopwoat Duwehte Penaia

Penaia iei sounpei kommwad men me kin papah Nanmwarki Depit oh Solomon. Penaia kin iang mahwen oh kasalehda eimah laud mendahki eh pahpao wia samworo men oh re sohte kin iang mahwen de doadoahngki dipwisoun mahwen. Karasepe, e kemehla laion emen nan pwarer ehu oh kalowehdi sounpei lapala men. Depit kin uhdahn likih Penaia me kahrehda e wiahkihla ih kaunen nah sounpei ko me kin sinsile ih.—2 Sam. 23:​20-23.

Penaia loalopwoatohngete Depit ni Apsalom oh Adonaisa ara uhwongada ih. (2 Sam. 8:18; 15:18; 1 Nan. 1:8) Ni Depit eh mahla, Penaia pil kin utung Depit ni eh tehk me Solomon wiahla nanmwarki. (1 Nan. 1:​32-40) Ei, Penaia kin loalopwoatohng Siohwa oh irail kan me E ketin idihada pil ni ahnsou me meteikan kin soaloalopwoat ong irail.

Kitail pil anahne eimah pwehn pelianda atail imwintihti kehlailo, Sehdan, oh irail kan me kin utung. Oh kitail anahne koasoanehdi teng en pousehlahte mour pahrekiong sapwellimen Siohwa koasoandi kan. (Ep. 6:11; 1 Pit. 5:​8, 9) Mehnda ma ekei kin pilada en kohkohsang Siohwa, kitail kin loalopwoatohngete ih, oh kamehlele me e pahn ketin katingih kitail.—2 Sam. 22:26.