Njaa Poparenta Pue Ala Setu?

NJAA ANU NATOʼO RI SURA MAGALI

”I Pue Ala ri suruga mangampatunda sambaʼa kamokole anu da todo rantani masae-sae.”​—Danieli 2:44, Sura Magali Ri Basa Pamona Saeo-saeo.

”Sambaʼa ana tuama ndapoanakamo kita, kita ndawaika sambaʼa ana tuama . . . poparentanya da merontada ri Padika pai kayoa montepuʼu seʼi-seʼi rantani masae-sae.”​—Yesaya 9:5, 6.

POYOWENYA RI KOMI

• Komi datuwu ri kalindo ndaya ri poparenta anu benda geli.​—⁠Yesaya 48:17, 18.

• Komi damangaepe kadonde koro pai kawongko ndaya ri lino dawoʼu anu darata.​—⁠Pepatongawa ri Yohane 21:​3, 4..

BARA MAYA KITA MAMPOAYA NJAA ANU NATOʼO SURA MAGALI?

Iyo. Reʼe radua katetoʼonya:

• Yesu roomo mantujuka kita njaa anu ndapowia poparenta Pue Ala. Sira mompaguru waʼa dompunya da mekakai danaka poparenta Pue Ala da jela. Danaka pepokonoMi tewianaka ri lino. (Matiu 6: ​9, 10) Yesu mawai pepatongawa pekakai setu danda sono.

  Ri tempo Yesu ri lino sira mampakoni tau anu maoro, mampakaʼosa tau anu majuʼa pai mampapembangu tau mate! (Matiu 15:​29-​38; Yohane 11:38-​44) Setu mangantoʼoka kita ri tempo darata ane Yesu mewali mokole tadungkadago ri Poparenta Pue Ala, sira damawianaka meruu gala dompunya.​—Pepatongawa ri Yohane 11:⁠15.

• Polinota wawa seʼi mangantuju Poparenta Pue Ala da ronga jela. Yesu mangantoʼo rikabareʼenyapa Poparenta Pue Ala damampa jela podame ri lino, dareʼe poʼiwali, kaoro, pai lindugi ri lino seʼi.​—⁠Matiu 24:​3, 7.

  Nceʼe anu takita wawa seʼi mewali, taʼayamo Poparenta Pue Ala damampalisi pura-pura kajaʼa ri lino seʼi.