Bara bisa tau mate tuwu muni?

NJAA ANU NATOʼO RI SURA MAGALI

”I Pue Ala da mampatuwu muni tau anu mate.”​—Potetala Waʼa Ncuro 24:15, Sura Magali Ri Basa Pamona Saeo-saeo.

POYOWENYA RI KOMI

Lindo raya ri tempo tau anu ndi pomawo mate.​—2 Korinti 1:3, 4.

Telapasaka ungkari kaekandaya anu meruu ri kapate.​—Ibarani 2:15.

Reʼe ndapomata-mata da momberata muni pai tau anu matemo.​—Yohane 5:28, 29.

BARA MAYA KITA MAMPOAYA NJAA ANU NATOʼO SURA MAGALI?

Iyo. Reʼe tatogo katetoʼonya:

• Pue Ala Puʼu ngkatuwu. Sura Magali mantoʼo Ala Yehuwa ”puʼu ngkatuwu”. (Polinga 36:​10; Potetala Waʼa Ncuro 17:​24, 25, Basa Pamona Saeo-saeo.) Puʼu pombai katuwu ndakoto mampatuwu tau anu mate.

• Pue Ala, reʼemo ndapapembangu tau mate. Sura Magali mantoʼo reʼe uayu tau, tuʼa, mangura, tuama, pai weʼa anu nda papembangu tuwu muni ri lino. Reʼe anu nepa mate, pai reʼe aopo eomo kapate!​—Yohane 11:​39-​44.

• Pue Ala daraya kojo mampapembangu tolino ri tempo anu darata. Yehuwa mampobanciika kapate. Pue Ala darayanya kojo mampakapanangi kapate. (1 Korinti 15:​26) Sira daraya masawani kapate pai katuwu. Maʼai kamawondaya i mPue Ala damampapembangu waʼa ntau anu reʼe ri nawa-nawa-A da naka tau seʼe da tuwu muni ri lino.​—Ayubi 14:14, 15.