Bara Dareʼe Kapusanya Kapari Seʼi?

NJAA ANU NATOʼO RI SURA MAGALI

”Pue Ala . . . da mampalisi rontiti ue mata ungka ri mata ntau seʼe. Bareʼemo da reʼe kapate; kapari ndaya, potumangi pai juʼa bareʼemo da reʼe.”​—Pepatongawa ri Yohane 21:​3, 4, Sura Magali Ri Basa Pamona Saeo-saeo.

POYOWENYA RI KOMI

Tancani banya Pue Ala anu mawaika kita kapari.​—Yakobu 1:13.

Mawongko raya maka tancani i mPue Ala mancani njaa anu taepe.​—Sakaria 2:8.

Petionda pura-pura kapari bemo dareʼe.​—Polinga 37:9-11.

BARA MAYA ITA MAMPOAYA JAA ANU NATOʼO URA MAGALI?

Iyo. Reʼe radua katetoʼonya:

• Pue Ala mampobanciika kapari pai pegeli-geli. Peole wambeʼi raya i mPue Ala mangkita dompunya ndajeani owi. Sura Magali mantoʼo benda pokono mangkita ompu-A ”anu meʼode ua pejeani iwali”.​—Tadulako 2:18, Sura Magali Ri Basa Pamona Saeo-saeo.

  Pue Ala mampobanciika tau anu monjaʼati yunu. Rapanya, Sura Magali mangantoʼo ”pale anu mampepate tau anu be masala” ndapobanciika i mPue Ala.​—Patada 6:16, 17.

• Pue Ala malinga kita sambaʼa pai sambaʼa. Yehuwa meboo ri kita naka pura-pura kaʼipu raya tatanjesaka ri Sira.​—1 Peturu 5:7.

  Mampoliu ri Poparenta-A, Yehuwa damampalisi kapari pura-pura tau. (Matiu 6:9, 10) Wawa seʼi Sira mampakaroso raya pura-pura tau anu mampepali Sira.​—Potetala Waʼa Ncuro 17:27; 2 Korinti 1:3, 4.