Incema anu Makuasai Lino Seʼi?

NJAA ANU NATOʼO RI SURA MAGALI

“Lino seʼi lau ri raya ngkuasa I Majaʼa”​—1 Yohane 5:⁠19,Sura Magali Ri Basa Pamona Saeo-saeo.

“Pai inceʼemo anu ndakamaʼika Ana mPue Ala, da mangagero tetala I Majaʼa.”​—1 Yohane 3:⁠8.

POYOWENYA RI KOMI

Mancani njaa puʼu jaʼa anu mewali ri lino.​—Pepatongawa ri Yohane 12:⁠12.

Data peaya lino seʼi damadago muni.​—1 Yohane 2:⁠17.

BARA MAYA KITA MAMPOAYA NJAA ANU NATOʼO SURA MAGALI?

Iyo. Reʼe tatogo katetoʼonya:

• Kamakuasa Seta sangaya ­dandapapusa. Ala ­Yehuwa roomo mabotusi setu. Sira mojanji ’damanganangi i Majaʼa’ pai damam­pakoroka anu najaʼati i Seta.​—⁠Ibarani 2:​14

• I Pue Ala mantuju i Yesu ­Kerisitu damomparenta lino. Yesu mosisala kojo pai Seta anu majaʼa. Yehuwa mojanji mangkono poparenta i Yesu, ”Sira mampokapuru tau ­kaasi-asi pai waʼa ntau sondo . . . Sira malapa tau seʼe ungka ri pejeani pai periso.”​—Polinga 72:13, 14.

• Pue Ala beda mombamba. Sura Magali mangantoʼo, ”I Pue Ala bereʼe sang­kani da mombamba.” (Ibarani 6:⁠18) Ane Yehuwa mojanji, pura-pura da tewianaka! (Yesaya 55:10, 11) “Seʼi-seʼi waʼa anu makuasa ri lino seʼi danda­dungkamo.”​—Yohane 12:​31.