Njaa Sura Magali Setu?

NJAA ANU NATOʼO RI SURA MAGALI

“Pura-pura anu teʼuki ri raya Ncura Magali, inceʼe patada ungka ri Pue Ala.”​—2 Timotiu 3:16, Sura Magali Ri Basa Pamona Saeo-saeo.

POYOWENYA RI KOMI

Sononya anu madago dagala pompeoasi anu moyowe ri raya katuwu.​—Patada 2:1-5.

Pompanini anu ndaʼaya ri raya katuwu saeo-saeo.​—Polinga 119:105.

Tinako ndayata sangaya-ngaya damewali ri tempo darata.​—Roma 15:4.

BARA MAYA KITA MAMPOAYA NJAA ANU NATOʼO SURA MAGALI?

Iyo. Reʼe tatogo katetoʼonya:

• Pura-pura banganinya mombesungko. Sura Magali nda uki kasaenya napetempoka 1600 taʼu. Anu maʼuki reʼe 40 tuama. Kasondonya tau seʼe bemombencani paikanya banganinya siwia-wia mangantoʼo Poparenta Pue Ala!

• Sejarah anu mayoa. SMau topoʼuki Sura Magali mowia sala, paikanya Yehuwa mampokau damaʼuki kasala ntau seʼe. Tau seʼe benasambunika kasalanya..​—2 Tawari 36:15, 16; Polinga 51:1-4.

• Nubuat anu nda aya. Sura Magali mangantoʼo kanawu kota Babeli 200 taʼu kabareʼenyapa. (Yesaya 13:17-22) Paikanya, Sura Magali mangantoʼo ewambeʼi dakanawu Babeli pai incema toʼo anu mampakapanangi!​​—Yesaya 45:1-3.

  Maria nubuat Sura Magali ntaninya seʼe, mewali monco jela ri kasiwu-siwunya. Nceʼi mampakatongawa Sura Magali nceʼemo nuntu mPue.​—2 Peturu 1:21.