Phindulani na mareferensiya ya m’Baibolo

Mareferensiya yomwe yagumanika mu Baibulo la Dziko Latsopano la Malemba Opatulika, yawonesa kubverana komwe kulipo pa nkhani zosiyanasiyana za m’Baibolo na mavesi yanango yomwe yafotokoza vinthu volingana pa nkhani ibodzibodzi mweyo. Kuti mugumane mareferensiya mwaya, onani kaletra komwe kakhala kutsogolo kwa mawu. M’Baibolo yochita kudindiwa, nyang’anani kaletra mwaka pakati panango m’mbali kuti mugumane mavesi yomwe yankubverana na nkhani yomwe munkuwerenga. Pa jw.org panango mu aplikativo ya JW Library tinyani kaletra mwako kuti mugumane malemba ya mareferensiya.

Mareferensiya ya m’Baibolo, yangakuthandizeni kugumana vinthu vomwe viri m’nyantsi ivi na vinthu vinango vizinji:

Mavesi yomwe yankufotokoza nkhani yomwe munkuwerenga: Mareferensiya mwaya yakuyendesani pa malemba yanango panango mu bukhu inango yomwe inkubverana na nkhani yomwe munkuwerenga. Mwakulinganiza, onani 2 Samueli 24:1 na 1 Mbiri 21:1.

Mawu yanango: Referensiya mwezi zionesa komwe kwachokera mawu yanango. Mwakulinganiza, onani Mateyu 4:4 na Deuteronomo 8:3.

Kukwanirisika kwa maulosi: Mareferensiya mwaya yaonesa maulosi ya m’Baibolo na kukwanirisika kwake. Mwakulinganiza onani Mateyu 21:5 na Zekariya 9:9.