CHUMA CHOGUMANIKA M’MAWU YA MULUNGU

Sankhulani mwanzeru munthu wolowolana naye

Solomo adalowola azikazi omwe angatumikira milungu yabodza ndipo kumoku kwenze kusowa nzeru (1Mf 11:1, 2; w18.07-CN tsa. 18 ndi. 7)

Azikazi omwe Solomo adalowola adamuchitisa kuti asiye kutumikira Yahova (1Mf 11:3-6; w19.01-CN tsa. 15 ndi. 6)

Yahova adakalipa ndawa ya vomwe Solomo adachita (1Mf 11:9, 10; w18.07-CN tsa. 19 ndi. 9)

Mafoto: Mulongo yemwe alilini pabanja ankupfunzira Baibolo achimbaganizira m’bale yemwe ni mbeta. 1. M’bale ankupereka ndemanga pa misonkhano. 2. Iye ankulalikira pa kashelufu na m’bale munango. 3. Iye ankuthandiza kukonzakonza vodzongeka pa Nyumba ya Ufumu.

Mawu ya Mulungu yalimbikisa Akhrisitu omwe alilini pabanja kuti ambalowole panango kulowodwa ‘mwa Ambuya basi.’ (1Ak 7:39) Koma sikuti munthu akakhala wobatizika ndiye kuti basi angakhale mwamuna panango nkazi wabwino. Dzibvunzeni kuti: Ko munthu moyu atumikiradi Yahova na moyo wose? Ko vochita vake nthawe zose viwonesa kuti iye akondadi maninge Yahova? Mukanati kusaina kulowolana na munthu, khalani na nthawe yomudziwa bwino munthu muyo.