Pfunzisani mapfunziro ya Baibolo kuti yambadzidyese mwauzimu

Kuti akwanise kudziwa bwino Yahova mpakana kukhala Mkhrisitu wolimba, wopfunzira Baibolo achadekana kudziwa vizinji osati chonadi chomwe tawapfunzisa basi. (Mt 5:3; Ahe 5:12–6:2) Iwo achadekana soti kudziwa momwe angazidyesere mwauzimu.

Kundochokera nthawe yomwe tayamba kupfunzira nawo Baibolo, mumbawawonese momwe angakonzekerere pfunziro ya Baibolo ndipo alimbikiseni kuti ambachite vimwevi nthawe zose. (mwb18.03-CN tsa. 6) Alimbikiseni kuti ambayambe na pemphero pakukonzekera pfunziro yawo. Athandizeni momwe angabulusire vinthu pa intaneti na momwe angaviphatisire basa. Apfunziseni momwe angambagumanire vinthu vinyowani pa jw.org na mavidiyo ya JW Broadcasting^®. Mwapang’onopang’ono apfunziseni kuti ambalewenge Baibolo ntsiku iliyose, kukonzekera misonkhano ya mpingu na momwe angagumanire midawiro ya mibvunzo yawo. Athandizeni kuti ambaganizire vomwe ankupfunzira.

NYANG’ANIRANI VIDIYO YAKUTI THANDIZANI PFUNZIRO YANU YA BAIBOLO KUDZIDYESA MWAUZIMU, NDIPO IKAPERA DAWIRANI MIBVUNZO AYA:

• 

  Ko Neeta wamuthandiza tani Jade kuwona kuti nivosakwanira kundodziwa midawiro ya mibvunzo pakupfunzira?

• 

  Ko nchani chathandiza Jade kutsimikiza kuti nivobveka Yahova kulambiza kugonana mukanati kulowolana?

• 

  Ko Jade wabvesa tani phindu yoganizira vomwe wapfunzira?