“Wonesani chikondi m’banja”

Chikondi ni shulu-shulu yothandiza kuti banja ikhale yobverana. Peno palibe chikondi, ni voshupa kuti wanthu wa m’banja ambabverane. Ko amuna, akazi na abereki angawonese tani chikondi m’banja?

Mwamuna wachikondi achasamalira vosowa va nkazi wake, kulemekeza maganizo yake na kuikhira nzeru momwe iye akubvera. (Aef 5:28, 29) Iye achagumanira banja yake vosowa vakuthupi na kuithandiza kukhala pa ushamwali na Yahova, kuphatanidzapo kuchita pfunziro ya banja mosashotashota. (1Ti 5:8) Nkazi wachikondi achayesesa kugonjera mwamuna wake na kumuwonesa ‘ulemu ukulu.’ (Aef 5:22, 33; 1Pe 3:1-6) Wose mwamuna na nkazi achadekana kukhululukirana na moyo wose. (Aef 4:32) Azibereki wachikondi achaikhira nzeru mwana aliyese pamuyi na kumupfunzisa kuti ambakonde Yahova. (De 6:6, 7; Aef 6:4) Ko wana wanu ankugumana na mabvuto yanyi kushikola? Ko iwo angapirire tani chiyeso chikulu? Pabanja pakakhala chikondi chaicho, wose achadzibva kukhala wotetezeka.

NYANG’ANIRANI VIDIYO YAKUTI WONESANI CHIKONDI CHOSAPERA M’BANJA MWANU, NDIPO IKAPERA DAWIRANI MIBVUNZO AYA:

• 

  Ko mwamuna wachikondi wawonesa tani kuti ankuikhira nzeru nkazi wake na kumubvesa?

• 

  Ko nkazi wachikondi wawonesa tani ulemu ukulu kwa mwamuna wake?

• 

  Ko azibereki wachikondi akhomerera tani Mawu ya Mulungu kwa wana wawo?