Tichawonesa chikondi mwa kubvuma chilango cha Yahova

Kuchosa munthu wosalapa kuchateteza mpingu ndipo kuchateteza, ndipo soti kuchateteza wale anamaganizo yakuyipa kupfunzirapo kanthu. (1Ak 5:6, 11) Tikambabverana na chilango chochokera kwa Yahova tichawonesa kuti tinachikondi. Ko tingalewe tani kuti chimwechi ni chikondi, pakuti munthu akachosewa achakhala na chungululu, kuluza azishamwali mpakana panango kuimba mulandu akulu womwe adagemula chiweruzo?

Inde, ndawa kuposha vose, tichateteza mbiri ya Yahova na kuikhira kumbuyo mpfundo zake zochena pankhani ya makhalidwe. (1Pe 1:14-16) Tikambapewa munthu wochosewa, ndiye kuti tinkumukonda. Podiya kuti vingamuwawe ndawa yakuti wapasiwa chilango champhanvu, phindu ni yakuti chilango chatene ‘chingabale chipaso cha ntendere.’ (Ahe 12:5, 6, 11) Tingawonese kuti tinkupikisana na Yahova peno tinkupitiriza kumbabverana na munthu yemwe wachosewa panango kuchita kudzichosa yekha. Ayi kuyebwa kuti nthawe zose Yahova achalanga ‘munjira yabwino.’ (Yer 30:11) Tinkudikhira mwachidwi kuti womwe ali kunja adzabwerere kwa Ababa wathu wachifundo. Ndipo timbadikhire uku tinkuyesesa kulimbisa ushamwali wathu na Yahova.​—Yes 1:16-18; 55:7.

NYANG’ANIRANI VIDIYO YAKUTI PITIRIZANI KUKHALA WOKHULUPIRIKA NA MOYO WOSE, IKAPERA DAWIRANI MIBVUNZO AYA:

• 

  Ko azibereki wachikhrisitu achabva tani mwana wawo akasiya chowonadi?

• 

  Ko mpingu ungathandize tani aliyese, m’banja yomwe munango wachosewa?

• 

  Ko ni nkhani ya m’Baibolo iponi yowonesa kuti tichadekana kukhala wokhulupirika maninge kwa Yahova kuposha kwa banja yathu?

• 

  Ko tingawonese tani kuti tinkukhulupirika maninge kwa Yahova kuposha kwa banja yathu?