Ko atumiki wothandiza achaphata basa yanyi?

Boibolo ichanena mbali ziwiri za amuna wachikhrisitu omwe achasamalira mawudindo mu mpingu: ‘Wonyang’anira na atumiki wothandiza.’ (Afilipi 1:1) Vinkuwoneka kuti m’mipingu yazinji, muchagumanika abale mwawa. Ko atumiki wothandiza achatithandiza tani?

Iwo achathandiza bungwe ya akulu. Atumiki wothandiza wachilumbwana na wachikulire, wose ni abale wawuzimu, wothembeka ndipo achachita vinthu mosamala. Iwo achaphata basa zosiyana-siyana nthawe zose mu gulu ya Mulungu yomwe ichadikana nthawe. Basa yawo ichathandiza kuti akulu ambakhale na nthawe ya kupfunzisa na kubusa mumpingu.

Iwo achaphata basa yakudikana maninge. Atumiki wothadiza anango achaphata basa yotambira alendo womwe abwera kumisonkhano. Anango achasamalira vipangizo vokuzira mawu, kugawira mabukhu, kusamalira mali za mpingu na kugawira magawo kuti abale akalalikire. Achathandiza soti kusamalira Nyumba ya Ufumu. Akulu angakumbire soti abale mwawa kuti akathandize okalamba. Atumiki wothandiza olo atambire basa yanyi, iwo achaiphata na moyo wose ndipo kuchita vimwevi kuchachitisa kuti ambalemekezewe. —1 Timoteyo 3:13.

Iwo achapereka chitsanzo chabwino ninge amuna wachikhrisitu. Atumiki wothandiza achasaluliwa mobverana na makhalidwe yawo yabwino yawuzimu. Akambachita mbali m’misonkhano, achalimbisa chikhulupiriro chathu. Chitsanzo chawo chabwino mu umboni, chichatilimbikisambo kuingizira khama yathu. Ndawa ya kudzipereka kwawo pa basa mweyi, vichachitisa kuti mpingu ukhale wakukondwa na wobverana. (Aefeso 4:16) Patsogolo pake atumiki wothandiza angayenerere kuti atumikire ninge akulu.

• Ko atumiki wothandiza ni wanthu wanyi?

• Ko iwo achathandiza tani kuti vinthu vimbafambe bwino pampingu?