Momwe mungabvesesere bwino vitsanzo va m’Baibolo

Mu Baibolo muli vitsanzo vizinji ndipo wanthu anango ashupika kuti abvese tanthauzo yake. (Mat. 13:13) Manje ko imwepo mungachite tani kuti mumbabvese bwinobwino vitsanzo va m’Baibolo? Yesani kuchita ivi:

• Ganizirani vinthu vomwe ankulinganiza. Mwakulinganiza, pa Chivumbuluso 3:3 panena kuti Yesu adzabwere ninge mbava.

• Ganizirani momwe nkhani imweyo inkulinganirana na chitsanzo mwicho. Yesani kuganizira kuti ndawa chani ankulinganiza na chinthu chimwicho komasoti kuti vinkubverana tani.

• Wonesesani kuti mwachibvesesa chitsanzo mwicho. Nthawe zinango, wanthu abvesesalini kuti chitsanzo mwicho chinkutanthauza chani. Mwakulinganiza, chitsanzo chomwe tachitomola pakuyambirira pale chinkutanthauzalini kuti Yesu adzabwere kudzaba. Koma m’malo mwa vimwivi, chinkutanthauza kuti ninge momwe ichitira mbava, Yesu adzabwere pa nthawe yomwe wanthu ankuidikhiriralini.