Konzekeresani ntima wanu

Tikambapfunzira Baibolo, tinkufuna kuti mawu ya Yahova yambatifike pa moyo. Ezara adapereka chitsanzo chabwino maninge pankhani mweyi pomwe ‘adakonzekeresa ntima wake kuti apfunzire Chilamulo cha Yahova.’ (Ezara 7:10) Ko tingakonzekerese tani ntima wathu?

Pemphero. Mukanati kuyamba kupfunzira, yambani na pemphero. Kumbirani Yahova kuti akuthandizeni kubvesa na kuphatisa basa vomwe mupfunzire.—Sal. 119:18, 34.

Khalani odzichepesa. Mulungu abisa chonadi kwa wanthu omwe athemba nzeru zawo. (Luka 10:21) Ayi kukhala na maganizo yakuti mumbapfunzire na cholinga chakuti mumbadabwise wanthu. Modzichepesa mumbachinje maganizo yanu peno yankubveranalini na Mulungu.

Yesani kubvesera nyimbo za Ufumu. Nyimbo, zinamphanvu zokhudza ntima wathu nkutikonzekeresa kuti tipfunzire. Kubvesera nyimbo za Ufumu tikanati tayamba kupfunzira, kungatithandize kukonzekeresa ntima wathu.