Khalani na maganizo yofunguka pomwe munkupfunzira

Tikambakonzekera kuti tipfunzire, panango tigadzibvunze kuti: ‘Ko nipfunzire chani?’ Tichadekana kukhala osamala kuti vomwe tinkuganiza kuti tipfunzire visatichitise kuleka kuona vomwe Yahova ankufuna kutipfunzisa. Ko tingafungule tani maganizo yathu pomwe tinkufuna kupfunzira?

Pempherani kwa Yahova kuti akupaseni nzeru. Kumbirani Yahova kuti akuthandizeni kuzindikira vomwe iye ankufuna kuti mupfunzire manjeuno. (Yak. 1:5) Ayi kundokhala okondwa na vinthu vomwe munkudziwa kale.—Miy. 3:5, 6.

Bvumani kuti mphanvu ya Baibolo iphate basa pa moyo wanu. ‘Mawu ya Mulungu ni ya moyo.’ (Aheb. 4:12) ‘Mawu’ ya moyo ya Mulungu yangatithandize munjira zosiyana nthawe zose pomwe tinkuyawerenga. Koma Mawu ya Mulungu mwaya yangatithandize pa moyo wathu peno ndise ofunisisa kubvesa na kuphindula na vomwe Yahova ankufuna kutipfunzisa.

Mumbatembeje vose vomwe Yahova aphatisa basa kuti atipfunzise. Chakudya chanu chauzimu chiri ninge ‘chakudya chabwino maninge.’ (Yes. 25:6) Ayi kunyalanyaza kuwerenga ‘nkhani’ zomwe munkuona kuti mungazikondelini. Mukachita vimwevi mudzabvume kuti Yahova akuthandizeni kuti mukhale munthu wabwino ndipo mudzakondwe na kupfunzira.