Gumanani chuma chauzimu chomwe chingakuthandizeni ntsiku na ntsiku

Tikambawerenga Baibolo, tidzagumane mpfundo zothandiza tikambafagafaga. Manje tingachite chani kuti timbaphindule mokwana?

Fagani mozama nkhani zogumanika m’Baibolo. Mwakulinganiza, dzibvunzeni kuti: ‘Ko mbani adanemba? Ko ambanembera mbani? Ko ni panthawe iponi pomwe mawu mwaya yadanembewa? Ko vinthu venze tani? Ko nchani chidachitika vimwevi vikanati kuchitika? Ko nchani chomwe chidachitika patsogolo pake?’

Ganizirani vinthu vabwino vomwe mungapfunzire. Mwakulinganiza, dzibvunzeni kuti: ‘Ko wanthu wa munkhani mweyi adabva tani? Ko adawonesa makhalidwe yaponi? Ndawa chani ninkudekana kutewedza makhalidwe yawo? Ko ni maganizo yoipa yaponi yomwe ninkudekana kupewa?’

Phatisani basa vomwe mwapfunzira pa pfunziro yanu ya Baibolo, mu utumiki panango pochita vinthu na wanthu anango. Imwepo mukachita vimwevi, mudzakhale munkuwonesa kuti mu na nzeru ninge momwe Baibolo ichanenera pa Salimo 107:43 kuti: ‘Aliyese yemwe ni wanzeru awona vinthu vimwevi.’

• Vomwe vingakuthandizeni: Onani mpfundo zogumanika pa mbali yakuti: Chuma chogumanika m’Mawu ya Mulungu pa ndandanda ya misonkhano ya nkati mwa sondo, momwe zingatithandizire kuphatisa basa vomwe tipfunzira m’Baibolo. Mbali mweyi ikhala na mibvunzo yomwe tingadzibvunze, mpfundo zomwe tingaziganizire na mafanizo yomwe tingakambirane.