Ko munkukumbukira?

Ko imwepo mudawerenga mosamala Ntsanja za ulonda za gole ino? Peno nteno, yesani kudawira mibvunzo aya:

Ko “kuchinja maganizo” yathu kunkuphatanidzapo chani? (Aro. 12:2)

Kunkutanthauzalini kundochinja moyo wathu pakuchita vinthu vabwino koma tichadekana kudzifufudza umunthu wathu na kuchinja kuti tikondwerese Yahova.—w23.01, tsa. 8-9.

Ko tingakhale tani wachikatikati pomwe tinkuona vinthu vomwe vinkuchitika ku dziko uku?

Isepano tichita chidwi na vinthu vomwe vinkuchitika ku dziko uku ndawa yakuti vinango mwa vinthu mwevi vinkukwanirisa maulosi ya m’Baibolo. Koma m’malo mwakundoganizira vomwe vati vichitike vomwe vingachitise kusabvana mumpingu, vingakhale bwino kutewedza malangizo yomwe gulu yathu yatipasa. (1 Akor 1:10)—w23.02, tsa. 16.

Ko ubatizo wa Yesu ni wosiyana tani na ubatizo wa ateweri wake?

Ndawa yakuti iye wenze adabadwira mu ntundu wodzipereka kwa Mulungu, Yesu ambadekanalini kudzipereka ninge momwe isepano tichachitira komasoti wenze munthu waungwiro ndipo wenze alibe uchimo ninge wathu.—w23.03, tsa. 5.

Ko mungathandize tani anango kupereka ndemanga pa misonkhano?

Isepano tingapereke ndemanga mwachigwato. Tikachita tene anango adzakhalembo na mwayi wakuti adawire. Kuingizira mwapa, tichadekanalini kufotokoza mpfundo zose. Imwepo mukadawira ndime yose anzanu adzakwaniselini kudawirambo.—w23.04, tsa. 23.

Ko ‘msewu wochena’ wotomolewa pa Yesaya 31:8 ni chani?

Njira yophimphirisa mweyi inkutathauza ulendo womwe Ayuda adachita pakuchoka ku Bubulo kuyenda ku Yerusalemu. Manje ko vinkutanthauza chani kwa isepani ntsiku zino? Magole mamidyawu yazinji ikanati kufika gole ya 1919, njira idakonzewa. Tingalewe tene ndawa ya basa yotsumbudzulira, kudinda na basa zinango. Wanthu wa Mulungu ankufamba mu ‘msewu uchena’ woyenda ku paradaiso wauzimu womwe unkutitsogolera ku madaliso ya Ufumu.—w23.05, tsa. 15-19.

Ko lemba ya Miyambo msolo 9 itiuza va akazi awiri aponi?

Lemba mweyi inena va ‘nkazi wopusa’ yemwe ankuchemerera wanthu ku njira ya ‘kumanda.’ Ndipo inenapomwe va nkazi yemwe ankuimira ‘nzeru chaiyo’ yomwe ni ‘njira ya kuzindikira’ yoyendesa ku moyo wosapera. (Miy. 9:1, 6, 13, 18)—w23.06, tsa. 22-24.

Pomwe ambachita vinthu na Loti, ko Yahova adaonesa tani kudzichepesa na kukhala wachikatikati?

Yahova adauza Loti kuti athawe kuyenda ku dera inango ya maphiri koma Loti adakumbira kuti athawire ku Zowari ndipo Yahova adabvuma vomwe iye adamukumbira.—w23.07, tsa. 21.

Ko nkazi angachite tani peno mwamuna wake anyang’anira volaula?

Iye achadekana kukumbukira kuti bvuto ni yakelini. Ndipo achadekana kuganizirapomwe va ushamwali wake na Mulungu na kuona vitsanzo va m’Baibolo va akazi omwe adagumana na mabvuto ndipo ambadzibva okhumudwa koma adalimbikisiwa. Iye angathandize mwamuna wake kupewa vinthu vomwe vingamuchitise kuti anyang’anirepomwe vinthu volaula.—w23.08, tsa. 14-17.

Tikabvunziwa va chikhulupiriro chathu, ko kubvesa nkhani yose kungatithandize tani kukhala ofatsa?

M’malo mwakuona kuti watibvunza ndawa yofuna kugegedzana nase, timbawone kukhala mwayi wofuna kudziwa vomwe ni vodekana kwa iye. Tikachita tene tidzakwanise kudawira mokoma ntima.—w23.09, tsa. 17.

Ko Mariya ankutipfunzisa chani pa nkhani yofaga thandizo?

Pakudziwa kuti adzakhale mayi wa Mesiya, Mariya adafaga thandizo kwa anango. Mngelo Gabiriyeli na Elizabeti adamulimbikisa Mariya na mawu ya m’Baibolo. Isembo tingatambirembo thandizo yodekana kwa anango.—w23.10, tsa. 15.

Ko Yahova angadawire tani mapemphero yathu?

Iye adapolomisa kuti adzabve mapemphero yathu na kuona vomwe takumbira momwe vinkubveranirana na chifuniro chake. (Yer. 29:12) Yahova angadawire mapemphero yolingana munjira yosiyana. Koma nthawe zose adzatithandize.—w23.11, tsa. 21-22.

Lemba ya Aroma 5:2 inena va ‘chidikhiro.’ Manje ko ndawa chani vesi 4 inenapomwe va ‘chidikhiro’ chinango?

Ndawa yakubva va ntontholo wabwino, munthu angakhale na chidikhiro chodzakhala na moyo mparadaiso pano padziko yapasi. Koma tikambalimbana na mabvuto nkukwanisa kupirira na kudziwa kuti ndise obvumizika kwa Yahova, chidikhiro chimwechi chikhala cholimba maninge ndipo chikhala chapadera.—w23.12, tsa. 12-13.