Mbathembani Yahova mukambaboneresewa

Wanthu womwe aboneresa anzawo angatichitise kubva kuwawa nthupi komasoti m’manganizo. Iwo angatichitise pomwe kufoka mwa uzimu ndipo tingambachite mantha akambatsutsa kulambira kwathu. Ko tingadziteteze tani kwa wanthu mwawa?

Azinji omwe atumikira Yahova akwanisa kudziteteza kwa wanthu oboneresa anzawo ndawa yakuti athemba Yahova. (Sal 18:17) Mwakulinganiza, Esitere adaulula volinga va munthu munango yemwe angaboneresa anzake dzina yake Hamani. (Est 7:1-6) Akalibe kuchita vimwevi adaonesa kuthemba Yahova mwa kuleka kudya. (Est 4:14-16) Yahova adadalisa nkazi moyu ndawa ya vomwe adachita ndipo adamuteteza pabodzi na wanthu wa ntundu wake.

Alumbwana, munthu akambakuboneresani, mwakankulumize kumbirani Yahova kuti akuthandizeni ndipo kambiranani na munthu nkulu wokhuma maganizo ninge abereki wanu va bvuto yanu. Ayi kukaikira kuti Yahova adzakuthandizeni ninge momwe adathandizira Esitere. Ko ni chinthu chinango chiponi chomwe mungachite kuti mupirire?

NYANG’ANIRANI VIDIYO YAKUTI: MOYO WA ACHILUMBWANA—MOMWE NINGAMBAPIRIRIRE AKAMBANINYOZA OLO KUTI BULLYING? NDIPO DAWIRANI MIBVUNZO AYA:

• Ko wachilumbwana ankupfunzira chani pa chitsanzo cha Charlie na Ferin?

  M’dawiro wanu

• Ko azibereki angapfunzire chani pa vomwe Charlie na Ferin adalewa pakuthandiza wana wawo kupirira ku wanthu woboneresa anzawo?

  M’dawiro wanu