Mumbadziwone ninge momwe Yahova achakuwonerani

‘Yahova achakondwa na wanthu wake.’ (Sl 149:4) Olo kuti tilibe ungwiro, Yahova awona makhalidwe yabwino yomwe tinayo nakuti ndise wodekana. Nthawe zinango tingawone kuti ni voshupa kudziwona moyenera. Tingambalimbane na maganizo yodziwona kuti ndise wachabechabe ndawa ya vomwe anango ankutichitira. Tikambandoganizira vophonya vathu vakalekale, tingayambe kuwona ninge kuti Yahova atikondalini chaivo. Manje ko nchani chingatithandize tikakhala na maganizo mwaya?

Timbakumbukire kuti Yahova awona vinthu vakuti wanthu angakwaniselini kuwona. (1Sa 16:7) Kutanthauza kuti iye awona vabwino mwaisepano vomwe patekha tikwanisalini kuviwona. Tikutembeja ndawa yakuti Baibolo itifotokozera momwe Yahova achatiwonera. Kuti tizindikire kuti Yahova atiwona tani, timbawerenge mavesi ya m’Baibolo na nkhani zotsimikizira kuti Yahova akonda maninge atumiki wake.

NYANG’ANIRANI VIDIYO YAKUTI TSIMIKIZANI KUTI YAHOVA AKUKONDANI, NDIPO IKAMALA DAWIRANI MIBVUNZO AYA:

• Ko fanizo ya mulumbwana wothamanga na ababa wake inkutipfunzisa kuti Yahova atiwona tani?

  Your answer

• Ko munthu yemwe adachita tchimo ikulu koma nkuyesesa kukonza pomwe ushamwali wake na Yahova, angachite tani kuti ambatsimikize maninge kuti Yahova achamukonda?—1Yo 3:19, 20

  Your answer

• Ko m’bale wa mu vidiyo adaphindula tani ndawa yowerenga na kuganizira nkhani ya Davide na Yehosafati?

  Your answer