Mwatingaphatisire basa mavidiyo yopfunzisira

Tina mavidiyo yanayi yolewa va pfunziro ya Baibolo yomwe tiyaphatisa basa mu umboni. Ko mavidiyo mwaya yadakonzewa na cholinga chiponi?

• 

  Ndawa yanyi tichadekana kupfunzira Baibolo?—Vidiyo yantero. Vidiyo mweyi idakonzewa na cholinga chothandiza munthu kuti afune kudziwa pa vinthu vosiyanasiyana vomwe matchetchi yazinji yachafotokoza. Iwonesa pomwe wanthu momwe Baibolo ichadawirira mobveka bwino mibvunzo yodikana maninge pamoyo. Ifotokoza pomwe momwe munthu angakumbirire pfunziro ya Baibolo.

• 

  Vidiyo yachigwato yakuti Ndawa yanyi tichadekana kupfunzira Baibolo? ni yolingana na ire yantero koma kundoti ni yachigwato maninge. Imwiyi ni yothandiza m’madera yomwe wanthu akhala otangwanika maninge.

• 

  Vidiyo yakuti Ko pfunziro ya Baibolo ichachitikatani? idakonzewa na cholinga cholimbikisa wanthu kuti ayambe kupfunzira Baibolo fovolo ndipo ifotokoza momwe pfunziro mweyi ichachitikira. Ifotokoza pomwe momwe munthu angakumbirire pfunziro ya Baibolo.

• 

  Vidiyo yakuti Mwatambiriwa kupfunziro ya Baibolo idakonzerewa mapfunziro ya Baibolo. Podiya kuti vidiyo mweyi idaikhiwa pa tsamba yachiwiri mu bukhu yakuti Kondwani na moyo mpaka kalekale!, mungamuwonese munthu olo kuti munkupfunzira naye kabulosha kakuti Kondwani na moyo mpaka kalekale! Vidiyo mweyi ifotokoza nkhani zomwe ziri m’bukhu na vomwe iye adzawone popfunzira.

Podiya kuti mavidiyo mwaya yalibe kukonzewa na cholinga chibodzi, mungamutumizire munthu panthawe iliyose yomwe munkuwona kuti ilibwino. Ofalisa wose ankulimbikisiwa kuti ayadziwe bwino mavidiyo mwaya ndipo ambayaphatise bwino basa mu umboni.