MOYO WATHU WACHIKHRISITU
Yahova atithandiza tikambagumana na mabvuto
Muntsiku zomalizira zino, tinkugumana na mabvuto yazinji. Nthawe zinango mpaka tingafike pakuwona kuti tikwaniselini kuyapirira. Koma tikapitiriza kuthemba Yahova, iye adzatithandize kupirira mabvuto yakuti patekha tidakakwanisalini. (Yes 43:2, 4) Ko tingawonese tani kuti tinkuthemba Yahova pomwe tinkugumana na mabvuto?
Timbapemphere. Tikamufotokozera vose Yahova, iye angatipase mphanvu kuti tikwanise kupirira.—Afi 4:6, 7; 1At 5:17.
Timbagumanike pamisonkhano. Ino ni nthawe yomwe tinkufunika kumbagumanika pamisonkhano kuti titambire malangizo ya m’Baibolo na kulimbikisiwa na Akhrisitu anzathu. (Ahe 10:24, 25) Tikambakonzekera misonkhano, kugumanikapo na kupereka ndemanga, tiphindula mokwana na mzimu wa Yahova.—Chv 2:29.
Timbalalikire. Tikambalalikira, tingakwanise kupirira mosashupa mabvuto ndipo tingambaganize bwino. Tingakhale pomwe pa ushamwali wolimba na Yahova na abale na alongo wathu.—1Ak 3:5-10.
NYANG’ANIRANI VIDIYO YAKUTI YAHOVA ADZAKHALE NAWE, NDIPO IKAMALA DAWIRANI MIBVUNZO AYA:
Ko panthawe yomwe Malu adagumana na mabvuto, nchani chidamuthandiza kupitiriza kukhala pa ushamwali na Yahova?
Ko mawu ya pa Salimo 34:18 yangatithandize tani pamabvuto yathu ninge mwayadathandizira Malu?
Ko vomwe vidachitikira Malu vinkutsimikizira tani kuti Yahova atipasa ‘mphanvu kuposha yobadwa nayo’ tikambagumana na mabvuto?—2Ak 4:7