MOYO WATHU WACHIKHRISITU
Konzekererantuni pa matenda ya mwadzidzidzi
Ndawa chani muchadekana kukonzekera? Nthawe zinango tingadwale mpakana kukhala basha kushipitali panthawe yomwe tingadikhiralini. Ndipomwapa, konzekererantuni pakali pano kuti mudzapasiwe chithandizo chabwino mukadzadwala. Mukachita vimwevi, mungawonese kuti mulemekeza moyo na malamulo ya Yahova pankhani ya magazi.—Mac 15:28, 29.
Ko mungakonzekere tani?
Pempherani na kusaina mosamala khadi ya DPA yokupasani mphanvu pa vomwe muchakhulupirira.a Ofalisa wobatizika angagumane khadi mwiyi ya DPA kwa wonyang’anira mabukhu kuti asaine panango kusainira wana wawo ang’onoang’ono kuti ikhale Khadi yodzidziwikisa
Peno imwepo ndimwe woyembekezera, kumbirani akulu kuti akupaseni Chipepa cha malangizo kwa akazi woyembekezera (S-401). Chipepa chimwichi chingakuthandizeni kuti musaine vochita mwanzeru pankhani ya chithandizo cha kushipitali panthawe yomwe ndimwe woyembekezera panango panthawe yobereka
Peno munkufunika kutambira chithandizo pophatisa basa mbali zinango za magazi panango kukhala basha, dziwisani akulu kuti acheze na manfulumero nkuwadziwisa kuti mumbazungiriwe na wa Mboni za Yahova
Ko akulu angathandize tani? Iwo angakuthandizeni kusaina khadi ya DPA. Koma angakusalulirenilini vochita pankhani ya chithandizo cha mankhwala ndawa yakuti ni udindo wanu. (Aro 14:12; Aga 6:5) Mukandouza akulu kuti mwauziwa kuti mutambire chithandizo pophatisa basa magazi, nthawe mweyo auziratu abale wa mu Komiti Yoyankhulana na wa ku Shipitali kuti akuthandizeni.
Ko abale woyankhulana na wa kushipitali angakuthandizeni tani? Abale woyankhulana na wa kushipitali adapfunzisiwa momwe angathandizire manfulumero kubvesa ndawa yake tilamba kuikhiwa magazi ndawa ya vomwe tichakhulupirira. Iwo angafotokozere wanthu wokuimirani njira zinango zokuthandizani kupola zosaphatisa basa magazi. Vikakhala vokwanisika, iwo angakuthandizeni kugumana nfulumero yemwe angakulapeni bwino.
NYANG’ANIRANI VIDIYO YAKUTI VAMUNGACHITE KUTI MUSANKHE MWANZERU PANKHANI YA MAGAZI, NDIPO IKAMALA DAWIRANI MIBVUNZO AYA:
Ko vidiyo mwiyi inkukukonzekeresani tani pa matenda ya mwadzidzidzi yomwe mungauziwe kuti muikhiwe magazi?
a Msolo 39 wa bukhu yakuti Kondwani na moyo mpaka kalekale! ungakuthandizeni kusalula vochita mwanzeru pankhani yotambira chithandizo cha mankhwala pophatisa basa magazi.