Mbali zothandiza za m’bukhu yakuti Kondwani na moyo mpaka kalekale!

Ko mavidiyo na mibvunzo ya m’bukhu yakuti Kondwani na moyo mpaka kalekale! yakukomedzani? Ko muziwonako tani mbali zakuti “Wanthu anango achati,” “Vati nichite,” na yakuti “Kuti mudziwe vizinji”? Ko ni mbali zinango ziponi za m’bukhu mweyi zomwe zikuthandizani maninge mukambapfunzisa wanthu?—Mt 28:19, 20.

Mavidiyo: Peno imwepo munkuphatisa basa bukhu yodindiwa pakupfunzira na wanthu Baibolo, ko mungachite tani kuti mugumane mavidiyo yose pamalo yabodzi? M’bukhu ya mufoni, sankhulani chigawo pa vigawo vinayi vomwe viripo. Mnyantsi mwa ndandanda ya misolo, yendani pambali ya mavidiyo ya muchigawo chimwicho. (Onani foto 1.)

Kuseting’a pa “Edição Impressa”: Peno munkupfunzira na munthu pophatisa basa bukhu ya mufoni, mungachite bwino kumbaiseting’a pa “Edição Impressa” nthawe zinango. Kuti mukwanise kuseting’a, fungulani msolo wa nkhani ndipo tinyani tumadontho tutatu tomwe tunkubwera padzululetu basi nkusankhula pakuti “Edição Impressa.” Kuchita vimwevi kungakuthandizeni kuti muibvese bwino nkhani mweyo na kuwona momwe inkubveranirana na mpfundo ikulu ya mumsolo muyo. Kuti mubwerere pa edição digital, bwerani pomwe pa tumadontho tutatu ndipo sankhulani pakuti “Edição Digital.”

“Ko ndine wokonzeka?”: Mabokosi mwaya yomwe yali kufupi na kumapeto kwa bukhu, yankufotokoza vomwe munthu angachite kuti ayenerere kumbalalikira pabodzi na mpingu mpakana kufika pobatizika. (Onani foto 2.)

Mawu ya kumapeto: Mawu ya kumapeto yabvekesa mpfundo zikuluzikulu pankhani yofunika maninge yomwe inkufotokozewa. Bukhu ya mufoni ikhaliratu na linki yokuyendesani kumawu yakumapeto ndipo mushupikalini kubwerera pomwe pankhani. (Onani foto 2.)