Ko mukwanisa kuwona midawiro ya mapemphero yanu?

M’Baibolo muli vitsanzo vizinji maninge va mapemphero yomwe Yahova adayadawira. Mtumiki aliyese wa Yahova angatsimikizire kuti Yahova achamubvesera akambamufotokozera mabvuto yake ndipo achamuthandiza. Vimwevi vichamuchitisa kuti akhale na chikhulupiriro cholimba maninge. Kuingizira pamwapa, tichadekana kufotokozeratu sitiriti tikambapemphera ndipo timbayesese kuwona momwe Yahova ankutidawirira. (2Ak 12:7-9; Aef 3:20) Ko Yahova achadawira tani vomwe tichakumbira?

• Mwakuthupi panango mwauzimu kuti tikwanise kugwebana na bvuto.—Afi 4:13

• Mwakutipasa nzeru kuti tikwanise kusalula bwino vinthu.—Yak 1:5

• Mwakutipasa shungu yakuti tikwanirise chakulinga chathu.—Afi 2:13

• Mwakutikhazika moyo pasi tikakhala na nkhawa. —Afi 4:6, 7

• Mwakuthandiziwa na anango panango kutilimbikisa.—1Yo 3:17, 18

• Mwakuthandiza wale womwe tichawapempherera.—Mac 12:5, 11

NYANG’ANIRANI VIDIYO YAKUTI YAHOVA NI ‘WAKUBVA PEMPHERO’, NDIPO IKAPERA DAWIRANI MIBVUNZO AYA:

• Ko chitsanzo cha m’bale Shimizu chingatilimbikise tani peno tingakwaniselini kuchita vinthu vinango ndawa ya mabvuto yathu?

• Ko tingatewedzere tani chitsanzo cha m’bale Shimizu?