Phatisani basa bukhu yakuti Kondwani na moyo mpaka kalekale! kuti mulimbise chikhulupiriro chanu mwa Yahova na mwa Yesu

Kuti yakondwerese Mulungu, mapfunziro ya Baibolo yachadekana kulimbisa chikhulupiriro chawo. (Ahe 11:6) Tingayafike pamoyo pakuphatisira basa bukhu yakuti Kondwani na moyo mpaka kalekale! Bukhu yopfunzirira mweyi inamalemba yothandiza, ibvekesa bwino mpfundo, inamibvunzo yophata moyo, mavidiyo pabodzi na mafoto yabwino. Tikambathandiza mapfunziro yathu kukulisa makhalidwe yachikhrisitu na ushamwali wake na Mulungu tichakhala tinkumanga na vomangira vosaphata moto.—1Ak 3:12-15.

Wanthu anango achawona kuti vingakhale voshupa kukhala paushamwali na Mulungu yemwe achamuwonalini. Ndipomwapa tichadekana kuwathandiza kuti akulise chikhulupiriro chawo kwa Yahova na kumukonda.

NYANG’ANIRANI VIDIYO YAKUTI LIMBISANI CHIKHULUPIRIRO CHANU MWA YAHOVA PAKUPHATISA BASA BUKHU YAKUTI “KONDWANI NA MOYO MPAKA KALEKALE!” NDIPO IKAPERA DAWIRANI MIBVUNZO AYA:

• Ko tinkudziwa tani kuti mulongo ule adakonzekera bwino pfunziro?

• Ko iye waphatisa basa tani mibvunzo yoingizira kuti akwanise kumufika pamoyo wopfunzira ule mobverana na lemba ya Yesaya 41:10, 13?

• Ko vidiyo na vesi ya m’Baibolo yamuthandiza tani wopfunzira ule?

Wanthu azinji achabvesalini bwinobwino nkhani ya dipo panango kuiwona kukhala mphaso yochokera kwa Mulungu. (Aga 2:20) Ndipomwapa, tichadekana kuwathandiza kulimbisa chikhulupiriro chawo ku ntsembe ya dipo ya Yesu.

NYANG’ANIRANI VIDIYO YAKUTI LIMBISANI CHIKHULUPIRIRO CHANU MWA YESU, PAKUPHATISA BASA BUKHU YAKUTI “KONDWANI NA MOYO MPAKA KALEKALE!” NDIPO IKAPERA DAWIRANI MIBVUNZO AYA:

• Ko tinkudziwa tani kuti m’bale ule adakonzekera bwino pfunziro?

• Ko iye waphatisa basa tani njira zinango pa mbali yakuti “Kuti mudziwe vizinji” pakuthandiza wopfunzira ule?

• Ndawa chani pemphero niyodikana kwa wopfunzira?