Phatisani basa vinthu vomwe vinkuchitika mudera yanu, mu umboni

Pa utumiki wake, Yesu ambafotokoza vochitika vomwe wanthu ambavidziwa. (Lu 13:1-5) Imwembo mungambaphatisire basa vinthu vomwe vinkuchitika mudera yanu kuti wanthu akhale na chidwi na ntontholo wabwino. Patsogolo pakufotokoza va momwe vinthu viliri voshupa pa moyo, ninge matsoka ya chilengedwe, vipiringu, kuphatisa basa mankhwala wosokoneza msolo na vinthu vinango volingana na vimwevi, wapaseni mbvunzo wakuwachitisa kuganiza. Mungawabvunze kuti: “Ko imwepo munkuganiza kuti tingadikhire kudzawona kumala kwa . . . ?” panango “Ko munkuganiza kuti nchani chomwe tingachite kuti timalise . . . ?” Patsogolo pake, walewengereni vesi ya m’Baibolo yobverana na nkhani mweyo. Munthu muyo akawonesa chidwi, muwoneseni vidiyo panango mugawireni bukhu yochokera mu Vomwe tichaphatisa basa pakupfunzisa. Kuti tikwanise kufika pa moyo pa wanthu wa mudera yathu, tichadekana ‘kuchita vose vatingakwanise ndawa ya ntontholo wabwino.’—1Ak 9:22, 23.

Ko ni nkhani iponi yomwe wanthu wamudera yanu achachita nayo chidwi?