Mayesero yaliyose yanapomalira pake

Ni vosashupa kufoka na mabvuto yathu makamaka peno yatenga nthawe itali. Davide angadziwa kuti mabvuto yomwe mpfumu Sauli inkumubweresera yadzamale ndipo iye adzakhale mpfumu ninge momwe Yahova adapolomisira. (1Sa 16:13) Chikhulupiriro cha Davide chidamuthandiza kudikhira Yahova modekha.

Tikakhala pabvuto, panango tingafune kuphatisa basa nzeru zathu kuti tikonze vinthu. (1Sa 21:12-14; Miy 1:4) Koma nthawe zinango mabvuto yangapitirize podiya kuti tayesesa kuphatisa basa mpfundo za m’Baibolo. Vikakhala tene tichadekana kuyesesa kukhala wodekha nkumbadikhira Yahova. Manjemanje adzamalise mabvuto yose ndipo ‘adzapukuse misozi yose’ m’maso mwathu. (Chv 21:4) Peno mabvuto yathu yangapunguke ndawa ya thandizo ya Yahova panango pachifukwambo chinango, vomwe tikudziwa ni vakuti mayesero yose yanapomalira pake. Mpfundo mweyi ni yolimbikisa maninge.

NYANG’ANIRANI VIDIYO YAKUTI WANTHU OBVERANA MUDZIKO ILIBE CHIKONDI, NDIPO IKAPERA DAWIRANI MIBVUNZO AYA:

• Ko Akhrisitu anango wa ku Estados Unidos adagumana na mabvuto yaponi?

• Ko iwo adawonesa tani kuti ni wodekha ndipo ni wachikondi?

• Ko iwo adawonesa tani kuti angaikhira nzeru pa ‘vinthu vodekana maninge’?—Afi 1:10