Mzimu wakuchena udachitisa kuti basa yomwe imbawoneka kuti ingakwanisikelini ikwanisike

Kundochokera kalekale, wanthu wa Mulungu akhala ankuphata basa zikuluzikulu. Sikuti iwo ankukwanisa ndawa ya buya yawo, koma ndawa yothandiziwa na Yahova. Mu 1954, gulu ya Yahova idabulisa vidiyo ya msolo wakuti Gulu inyowani ya wanthu inkulalikira padziko yose yomwe idakonzewa na abale wosadziwa vizinji womwe ambatumikira pa Beteli. Mzimu wakuchena ndiwo udachitisa kuti basa yoshupa mweyi ikwanisike. Vimwivi vinkutitsimikizira kuti tikathemba Yahova, tingakwanise kuphata basa iliyose yomwe tatambira.—Zek 4:6.

NYANG’ANIRANI VIDIYO YAKUTI GULU ‘INYOWANI YA WANTHU INKULALIKIRA PADZIKO YOSE,’ NDIPO IKAPERA DAWIRANI MIBVUNZO AYA:

• Ndawa chani padasainiwa kuti pakonzewe vidiyo yofotokoza va likulu ya padziko yose?

• Ko vidiyo mweyi inkuwonesa tani kuti Beteli ili ninge thupi ya munthu?—1Ak 12:14-20

• Ko abale adagumana na mabvuto yaponi pakukonza vidiyo, ndipo adagwebana nayo tani?

• Ko nkhani mweyi inkutipfunzisa chani pa momwe Yahova achaphatisira basa mzimu wake wakuchena?