Lalikirani ntontholo wabwino wakuti dziko yabwino ili pafupi!

M’mwezi wa Novembro, tidzachite vose vatingakwanise kuti tilalikire ntontholo wabwino wakuti dziko inyowani ili pafupi. (Sl 37:10, 11; Chv 21:3-5) Konzani bwino ndandanda yanu kuti mudzalalikire mokwana pa basa yapadera mwiyi. Peno mungafune kudzachita upainiya wothandiza m’mwezi moyu, mungadzasalule kumala maola 30 panango 50.

Dzakonzekereni kuti mudzawerengere wanthu azinji malemba yolewa va dziko inyowani. Mukambadzasalula vesi, dzaganizireni vomwe wanthu wamugawo yanu adzaganize akadzaibva. Munthu akadzawonesa chidwi pa ulendo woyamba, dzamupaseni Ntsanja ya ulonda Na. 22021. Mukadzateno, ayi kudzachebwesa kuyamba kupfunzira naye Baibolo chidwi chake chikanati kumala pakuphatisa basa bulosha yakuti Kondwani na moyo mpaka kalekale! Palibe chinthu chomwe chingatipase chimwemwe kuposha kukhala bize na kulalikira ‘ntontholo wabwino wa vinthu vabwino.’​—Yes 52:7.

NYANG’ANIRANI VIDIYO YA NYIMBO YAKUTI DZIKO INYOWANI ILI PAFUPI, NDIPO IKAPERA DAWIRANI MIBVUNZO AYA:

• Ko kamtsikana kankuganizira tsogolo yabwino iponi?

• Ko imwepo munkudikhira kudzawona chani mudziko inyowani?

• Ko kuganizira va chidikhiro chathu kungatithandize tani kuti tidzalalikire maninge pa basa yapadera mu Novembro?​—Lu 6:45