Pitirizani kupfunzisa mphanvu yanu ya kuzindikira

Wothamanga achadekana kumbatherena nthawe zose kuti apitirize kukhala waluwiro. Isembo tifunika kupitiriza kuchita khama nkumbapfunzisa mphanvu zathu za kuzindikira. (Ahe 5:14) Podiya kuti nthawe zinango tingafune kundotengera vochita va anzathu, tifunika kuyesesa kuphatisa basa mphanvu zathu za kuganiza kuti tidzisankhire tekha. Ndawa chani? Ndawa yakuti aliyese adzadawire ndawa ya vomwe ankuchita.​—Aro 14:12.

Ayi kuti timbadzinamize kuti tingakwanise kusalula bwino ndawa yakuti tidabatizika kalekale. Kuti tikwanise kusankha mwanzeru, tifunika kuthemba maninge Yahova, Mawu yake na gulu yake.​—Yos 1:7, 8; Miy 3:5, 6; Mt 24:45.

NYAG’ANIRANI VIDIYO YAKUTI ‘KHALANI NA CHIKUMBUMTIMA CHABWINO,’ NDIPO IKAPERA DAWIRANI MIBVUNZO AYA:

• 

  Ko Emma ambafunika kusankhula pa nkhani iponi?

• 

  Ndawa chani tichadekanalini kulewa vamunsolo mwathu pa nkhani zoyendera chikumbumtima?

• 

  Ni malangizo yanzeru yaponi yomwe banja inango idapasa Emma?

• 

  Ko Emma adagumana kuponi nkhani yobverana na bvuto yake?