Tinkutembeja Mulungu na Yesu ndawa​—Adzatimasule kutsogolo

Ko ntsiku na ntsiku munkushupika na mabvuto yaponi? Ko ndimwe msolo wa banja yemwe anamaudindo yazinji? Ko munkulera mwekha wana ndipo munkuyesesa kuwagumanira vosowa? Ko muli pashikola ndipo anzanu ankukunyengererani kuti muchite voipa? Ko munkubonera na matenda panango ukalamba? Tinashuwa kuti pa mabvuto mwaya, yalipo yamunkugumana nayo. Akhrisitu azinji ankugumana na mabvuto yanganani panthawe ibodzi. Koma tinkudziwa kuti manje-manje timasuliwe ku mabvuto mwaya.​—2Ak 4:16-18.

Koma pakali pano, tingalimbikisiwe pakudziwa kuti Yahova ankubvesa mabvuto yathu, ankukondwa akambatiwona tikupirira na kukhala wokhulupirika ndipo watisungira madaliso yazinji. (Yer 29:11, 12) Nayembo Yesu achatiikhira nzeru. Pomwe tinkuphata basa yake, osati tiyebwe kuti adatipolomisa kuti: ‘Ninamwe pabodzi.’ (Mt 28:20) Tikambapatula nthawe yoganizira momwe tidzakhalire omasuka mu Ufumu wa Mulungu, tichalimbisa chidikhiro chathu ndipo tichakhala otsimikiza kupirira mabvuto yatinkugumana nayo.​—Aro 8:19-21.

NYANG’ANIRANI VIDIYO YAKUTI PITIRIZANI KUNYANG’ANISISA YESU POMWE MPHEPO YANKUNTHO IKUBWERA​—MADALISO YOMWE UFUMU UDZABWERESE, NDIPO IKAPERA DAWIRANI MIBVUNZO AYA:

• Ko wanthu adamupandukira tani Mulungu, ndipo vidabweresa mabvuto yanyi?

• Ko wanthu wokhulupirika kwa Yahova ankudikhira chani kutsogolo?

• Ko vidakwanisika tani kuti tikhale na tsogolo yabwino tene?

• Ko ni madaliso yaponi ya mudziko inyowani yomwe imwepo munkudikhirira?