Tetezani banja yanu

Yahova achawona kuti malumbiro ya ukwati ni yasiriyasi. Iye achada kuti wanthu wolowolana ambakhale pabodzi mpakana kale-kale. (Mt 19:5, 6) Yalipo mabanja yazinji mugulu ya Mulungu yomwe nichitsanzo chabwino pankhani mweyi. Olo viritene, palibe banja yomwe ni yangwiro. Banja iliyose ichagumana na mabvuto. Tichawonalini ninge momwe wanthu achawonera kupatukana panango kutsudzulana ninge njira yomwe banja ingamalisire mabvuto. Ko mabanja yachikhrisitu yangateteze tani ukwati wawo?

Wonani njira zishanu zomwe ni zothandiza.

1. Tetezani moyo wanu pankhani ya kusirira na kunyang’anira vinthu volaula vomwe vingadzonge banja yanu.​—Mt 5:28; 2Pe 2:14.

2. Limbisani ushamwali wanu na Mulungu ndipo ingizirani chidwi chanu chakuda kukhala wokondwa m’banja mwanu.​—Sl 97:10.

3. Pitirizani kuvala umunthu unyowani na kuchita vinthu vomwe vingachitise munzanu wa mu ukwati kudzibva kuti niwodikana.​—Akl 3:8-10, 12-14.

4. Mumbayankhule mwaulemu na moyenera.​—Akl 4:6.

5. Akhrisitu akambalemekeza ukwati, achalemekeza soti Yahova yemwe ndiye adayambisa banja.

Akhrisitu akambalemekeza ukwati, achalemekeza soti Yahova yemwe ndiye adayambisa banja.

NYANG’ANIRANI VIDIYO YAKUTI TICHADEKANA ‘KUTHAMANGA MOPIRIRA’​—MUMBATEWEDZE MALAMULO YA MPIKISANO, NDIPO IKAPERA DAWIRANI MIBVUNZO AYA:

• 

  Olo kuti chiyambi cha banja chingakhale chabwino, ko nimabvuto yanyi yomwe yangabwere?

• 

  Ko mpfundo za m’Baibolo zingathandize tani wale womwe ankuwona kuti m’banja mwawo mulibe chikondi?

• 

  Ko ni malamulo yaponi yomwe Yahova adaikha kwa wolowolana?

• Kuti banja imbafambe bwino, chakudikana nchani kwa wolowolana?