Samalani! Ayi kumbandofalisa nkhani zabodza

Ntsiku zino, nkhani zichafalikira mwakankulumize kwa wanthu mamidyawu yazinji, pakuphatisa basa radiyo, TV, intaneti panango kuchita kunemba. Koma wale womwe ankupempherera ‘Mulungu wachimwemwe’ achayesalini kufalisa nkhani zabodza podiya mwadzidzidzi. (Sl 31:5; Eks 23:1) Nkhani zabodza zichachitisa kuti wanthu ambayambane. Kuti imwepo mudziwe peno nkhani niyazedi panango yabodza, dzibvunzeni kuti:

• ‘Ko nkhani mweyi yachokera kwa munthu wothembeka?’ Vingachitike kuti munthu yemwe ankufalisa nkhani mweyo ankudziwalini vose. Kazinji-kazinji wanthu akambasimbira anzawo vomwe abva, achaingizira. Ndipomwapa mumbasamale peno munkudziwalini mwaidayambira nkhani. Abale na alongo achathemba maninge abale wamawudindo mumpingu. Ndipomwapa, abale mwawa akafuna kufalisa nkhani ambayambe afaga-faga mwakukwana

• ‘Ko nkhani mweyi ni yabodza?’ Peno nkhani mweyi ichaipisa dzina ya munthu munango panango chigulu cha wanthu muchadikanalini kuilewa.​—Miy 18:8; Afi 4:8

• ‘Ko nkhani mweyi ni yodekana?’ Khalani tcheru mukabva nkhani zosekesa na nkhani zinango

NYANGA’ANIRANI VIDIYO YAKUTI KO NINGACHITETANI KUTI NILEKE KUNAMA? NDIPO IKAPERA DAWIRANI MIBVUNZO AYA:

• 

  Mobverana na Miyambo 12:18, ko mawu yathu yangalinganiziwe na chani?

• 

  Ko Afilipi 2:4 ichatithandiza tani kukhala na malaganizo yabwino pakuyankhula va wanthu anango?

• 

  Ko timbachite tani tikawona kuti macheza yathu yankuyenda ku khokolo?

• 

  Tikalibe kuyankhula va wanthu anango, tichadekana kudzibvunza mibvunzo yaponi?