Khalani wolimba pomwe mapeto yankufika

NDAWA CHANI NI VODIKANA: Manje-manje, tigumane na vinthu voyesa chikhulupiriro chathu ndipo vidzafune kuti tidzakhale wolimba moyo na kuthemba Yahova. Chisawutso chikulu chidzayambe na kuchenekewa kwa vipembedzo vabodza. (Mt 24:21; Chv 17:16, 17) Pa nthawe yoshupa mweyi, panango isepano timbadzalalikire ntontholo wamphanvu wachiweruzo. (Chv 16:21) Isepano tidzawukiriwe na Gogi wa ku Magogi. (Eze 38:10-12, 14-16) Pakufuna kupulumusa wanthu wake, Yahova adzabwerese ‘nkhondo ya ntsiku ikulu ya Mulungu wamphanvu zose.’ (Chv 16:14, 16) Kuti tidzakhale wolimba moyo pa vochitika vimwevi, tichadekana kukhaliratu wolimba pa viyeso vatinkugumana navo manjewuno.

MOMWE MUNGACHITIRE VIMWEVI:

• Khalani na makhalidwe yobverana na malangizo yapadzulu ya Yahova.—Yes 5:20

• Pitirizani kumbasonkhana pabodzi na Akhrisitu anzanu.—Ahe 10:24, 25

• Mumbabvere kankulumize malangizo yoperekewa na gulu ya Yahova.—Ahe 13:17

• Mumbaganizire momwe Yahova adapulumusira wanthu wake kumbuyo.—2Pe 2:9

• Mumbapemphere kwa Yahova na kumuthemba.—Sl 112:7, 8

NYANG’ANIRANI VIDIYO YAKUTI VOCHITIKA VOMWE VIDZAFUNE KUTI TIDZAKHALE WOLIMBA MOYO, NDIPO IKAPERA DAWIRANI MIBVUNZO AYA:

• 

  Ko kubvera kwa wofalisa kudayesewa tani pomwe mpingu wawo udagawiwa nkukhala mipingu yazinji?

• 

  Ko kukhala wobvera kungatithandize tani kuti tikhale wolimba moyo?

• 

  Ndawa chani kulimba moyo kudzatithandize pa Arumagedo?

• 

  Ko ni nkhani ya m’Baibolo iponi yomwe ingatithandize kukhulupirira mphanvu zopulumusa za Yahova?—2Mb 20:1-24