‘Pewani milungu yachilendo’

Yakobo angadziwa kuti ni Yahova yemwe achadikana kutumikiriwa, podiya kuti penze palibe lamulo yomwe inganena vimwevi. (Eks 20:3-5) Ndipomwapa, pomwe Yahova adawuza Yakobo kuti abwerere ku Beteli, Yakobo adati wale womwe angada kuyenda nawo pabodzi angadikana kuleka kutumikira mafano. Ndipo adafuchira mafano yose, mpakana misanga yomwe angayiphatisa basa ninge vithumwa. (Ge 35:1-4) Mosakayika Yahova adakondwa na vomwe Yakobo adachita.

Mu ntsiku zathu zino, ko tingawonese tani kuti tinkutumikira Yahova yekha? Chakuyamba pa vose, tichadekana kupeweratu chilichose chomwe nichobverana na mafano panango kukhulupiria mizimu. Mwevi vichathandawuza kutayiratu chilichose chobverana na mizimu. Ndipo nivodikana maninge kuganizira tikanati kusalula vokondwesa. Mwakulinganiza, dzibvunzeni kuti: ‘Ko inepano nichakondwa kumbanyanganira vinthu vobverana na vamatsenga? Ko nichawona kuti vokondweresa vomwe ni vobverana na vamatsenga, panango nthembo nivosagopsa?’ Tichadekana kukhala kutali na chilichose chomwe Yahova achazonda.​—Sl 97:10.

NYANG’ANIRANI VIDIYO YAKUTI ‘TSUTSANI NDYEREKEZI,’ NDIPO DAWIRANI MIBVUNZO AYA:

• 

  Ko nchani chomwe chimbachitikira wopfunzira Baibolo yemwe ni Palesa?

• 

  Ndawa chani tichadekana kukumbira thandizo ya akulu peno munango ankuboneresewa na mizimu?

• 

  Ko wanthu womwe achada kukondweresaYahova achadekana kusiya vinthu viponi?

• Ko Palesa adasayina kuchita chani?

• Komwe imwepo muchakhala, ko ni njira pomwe ziponi zamungapewere viwanda?