Kuyingizira Buya Yathu Mu Umboni​—Khalani wozindikira

NDAWA CHANI N’VODIKANA? Wodzozewa na nkhosa zinango ankuchemera wanthu wakhaindi yose kuti abwere ‘kudzamwa madzi ya moyo fovolo.’ (Chv 22:17) Madzi yophiphirisira mwaya yankuyimira vose vomwe Yahova achapereka kuti apulumuse wanthu wobvera ku uchimo na impfa. Kuti tikwanise kubatsira wanthu womwe anamiyambo na vikhulupiriro vosiyana-siyana, tichadikana kuwalalikira ‘ntontholo wabwino wosapera’ munjira yomwe ingafike pamoyo aliyese payekha.—Chv 14:6.

KO TINGACHITE TANI VIMWEVI?

• Salulani msolo panango lemba yomwe ingafike pamoyo wanthu wa mugawo yanu. Imwepo mungasalule vomwe munganene mu umboni panango mungaphatisire basa njira yamunkuwona kuti ingaphindule. Ko ni nkhani iponi na malemba yomwe yangafike pamoyo wanthu wa mugawo yanu? Ko pabveka nyunzi yomwe inkubvesa mantha wanthu azinji? Ko mungawabatsire tani amuna na akazi?

• Yambani macheza na kumonisana ninge mwavichakhalira mudera yanu.—2Ak 6:3, 4

• Yadziweni bwino mabukhu na mavidiyo yali pa Vomwe tichaphatisa basa pa kupfunzisa kuti mukwanise kugawira munthu yemwe anachidwi

• Bulusani vinthu muviseweredwe va wanthu womwe mukagumane nawo mugawo yanu

• Salulani msolo wa nkhani wobverana na vochitika va munichiro muyi. (1Ak 9:19-23) Ko mungamulalikire tani munichiro muyi yemwe waferewa manje-manje?

NYANG’ANIRANI VIDIYO, NDIPO IKAPERA DAWIRANI MIBVUNZO AYA:

• Ko ni chofalisa chiponi chomwe wofalisa waphatisira basa pokambirana na munichiro muyi?

• Ko nchani chidachitika pamoyo wa munikachiro muyi?

• Ko ni lemba inango iponi yomwe yenze yakudikana pa nthawe mweyire, ndipo ndawa chani?

• Ko imwepo mungachinje chani kuti mumbawafike pamoyo wanthu wa mugawo yanu?